वर्षभरात २५० रुपयांनी वाढला सिलिंडर; सबसिडी मात्र कमी

कोरोनाच्या काळात घरगुती इंधनाचे दर सातत्याने वाढत चालले आहेत. गेल्या वर्षी एप्रिल महिन्यात इंधनाचा दर साडेपाचशे रुपयांच्या आसपास होता. त्यानंतर गेल्या नोव्हेंबरपासून आतापर्यंत दरात सातत्याने वाढ होत आहे. सर्वांत जास्त वाढ ही मार्च महिन्यात करण्यात आली होती. त्यात फेब्रुवारी महिन्यात ७२४.५० रुपये दराने गॅस मिळत होता. तर मार्च महिन्यात हाच दर ८२४.५० रुपये झाला. एकाच महिन्यात सरकारने या दरात १०० रुपयांची वाढ केली आहे, तर वर्षभरात सिलिंडर ३०० रुपयांनी महागला आहे. गेल्या काही महिन्यांमध्ये सातत्याने गॅससोबतच इतर इंधनांच्या दरातदेखील सातत्याने वाढ होत आहे. त्यामुळे नागरिकांच्या खिशावर त्याचा ताण पडत आहे. गॅससोबतच पेट्रोल आणि डिझेलचे दरदेखील वाढतच आहेत.

------------------

आता पुन्हा चूल पेटवायची का?

सरकारने उज्ज्वला योजनेत सामान्यांसाठी गॅस कनेक्शन मोफत दिले. त्यानंतर गॅसचे दर वाढायला सुरुवात झाली. आधी गॅस सिलिंडरवर सबसिडी मिळत होती. नंतरच्या काळात ही सबसिडीदेखील बंद करण्यात आली. त्यामुळे ज्यांनी उज्ज्वला योजनेत गॅस कनेक्शन घेतले, त्यांच्या घरात आता पुन्हा चूल पेटवायची वेळ आली आहे. कारण गरीब घरांमध्ये ८५५ रुपये दराने गॅस परवडेल कसा, असा प्रश्न उपस्थित होत आहे,

----------------

असे वाढले दर

महिना सिलिंडरचे दर सबसिडी

जुलै २०२० - ५९९.५० --

ऑगस्ट - ५९९.५० --

सप्टेंबर - ५९९.५० --

ऑक्टोबर - ५९९.५० --

नोव्हेंबर - ५९९.५० ०४

डिसेंबर -६४९.०० ०४

जानेवारी २०२१ -६९९.५० ०४

फेब्रुवारी -७२४.५० ०३

मार्च -८२४.५० ०३

एप्रिल -८१४.५० ०३

मे -८१४.५० ०३

जून -८१४.५० ०४

जुलै -८५५.०० --

-----------------------------

प्रतिक्रिया

शहरात चूलही पेटविता येत नाही.

१) कोट: सिलिंडर आणि जीवनाश्यक वस्तूंची होणारी दरवाढ गृहिणींसाठी चिंतेचा विषय झाला आहे. भाजीपाला, पेट्रोलच्या भाववाढीने त्यात भर टाकली आहे. कुटुंबाचे उत्पन्न कमी झाले. त्यात शहरात चूलही पेटविता येत नसून, सरकार भाववाढ करून समस्या अधिकच वाढवत आहे.

- संगीता मोरे, गृहिणी

-----------------------

२) कोट: सिलिंडरच्या किमती कमी करण्याऐवजी वाढवून सरकार सर्वसामान्यांवर दडपण आणत आहे. सर्व वस्तूंच्या दरवाढीने गृहिणी त्रस्त आहेत. प्रत्येक महिन्याला गॅस खरेदी करताना वस्तूंचे दर वाढलेले असतात. सामान्यांचे जगणे कठीण झाले आहे. विशेष म्हणजे आता चूल पेटवावी कोठे, असा प्रश्न आहे.

- शबनम परसूवाले, गृहिणी