बांबर्डा येथील नाल्या सफाईची मागणी
By लोकमत न्यूज नेटवर्क | Published: June 28, 2021 04:27 AM2021-06-28T04:27:47+5:302021-06-28T04:27:47+5:30
--------- पावसामुळे क्षतिग्रस्त पूल जैसे-थे वाशिम : काजळेश्वर ते पानगव्हान मार्गावरील पानगव्हाण गावानजीकच्या नाल्यावर असलेला पूल गतवर्षी मुसळधार पावसाने ...
---------
पावसामुळे क्षतिग्रस्त पूल जैसे-थे
वाशिम : काजळेश्वर ते पानगव्हान मार्गावरील पानगव्हाण गावानजीकच्या नाल्यावर असलेला पूल गतवर्षी मुसळधार पावसाने आलेल्या पुरामुळे वाहून गेला. यामुळे वाहतुकीवर परिणाम होत असताना अद्यापही या पुलाचे काम करण्यात आले नाही.
------------
रस्त्यावरील पूल धोकादायक
वाशिम: रिसोड तालुक्यातील रिसोड ते गोभणी या दोन गावांदरम्यान असलेल्या रस्त्यात पैनगंगा नदीपात्रात पुलाची उभारणी काही वर्षांपूर्वी करण्यात आली. या पुलाची उंची कमी असून, पुलावरून पाणी वाहते. त्यामुळे एखादवेळी येथे अपघात घडण्याची भीती आहे.
-----
खंडित वीज पुरवठ्याला ग्रामस्थ वैतागले
वाशिम : कारंजा तालुक्यातील धोत्रा देशमुख येथे गेल्या अनेक दिवसांपासून वारंवार विद्युत पुरवठा खंडित होत असल्याने येथील गावकरी वैतागले आहेत. ही समस्या सोडविण्यासाठी गावकऱ्यांनी महावितरणच्या कनिष्ठ अभियंत्यांना निवेदन देऊनही समस्या कायम आहे.
---------
मुख्य चौकात लोंबकळत्या तारा
वाशिम: शिरपूर जैन येथील बसस्थानक परिसरात मुख्य चौकात वर्दळीच्या ठिकाणी महावितरण कंपनीच्या गार्डिंग नसलेल्या वीजतारा लोंबकळत्या स्थितीत आहे. या तारा तुटल्यास अपघात घडण्याची भीती आहे. त्यामुळे या वीजतारा सुरळीत करण्याची मागणी होेत आहे.