शेतकऱ्यांना मदतीची प्रतीक्षा

^^^^^^^

पाणंद रस्त्याचे काम रखडलेलेच

वाशिम : कारंजा तालुक्यातील लोहगाव परिसरातील जुन्या पाणंद रस्त्याची अवस्था अत्यंत वाईट झाली आहे. त्यामुळे पालकमंत्री योजनेतून या रस्त्याचे काम करण्याची मागणी गावातील ग्रामस्थांनी सरपंचांकडे गुरुवारी केली.

--------------------

वाशिम-पुसद मार्गावर वाहतूककोंडी

वाशिम : वाशिम-पुसद महामार्गावरील केंद्रीय वखार महामंडळाच्या गोदामात धान्य घेऊन येणा-या वाहनांची पुसद-वाशिम महामार्गावरील दगड उमराफाट्यानजीक मोठी गर्दी होते. त्यामुळे या मार्गावर वाहतुकीची कोंडी होत आहे. याचा ग्रामस्थांना त्रास होत आहे.

-------

सिंचन प्रकल्पाच्या पातळीत वाढ

वाशिम : दमदार पावसामुळे कारंजा तालुक्यातील उंद्री येथील सिंचन प्रकल्पाच्या पातळीत लक्षणीय वाढ झाली आहे. जवळपास १२ दिवसांपूर्वी २५ टक्क्यांहून कमी जलसाठा असलेल्या या प्रकल्पातील जलसाठा आता ४० टक्क्यांवर पोहोचला आहे.

----

पेरणीबाबत शेतक-यांना मार्गदर्शन

वाशिम : कारंजा तालुका कृषी विभागाच्या वतीने पेरणीबाबत शेतक-यांना मार्गदर्शन करण्यात येत आहे. या अंतर्गत कामरगाव परिसरातील काही गावांत कृषी सहायकांनी शेतक-यांना मार्गदर्शन करून पेरणीपूर्वी बीजप्रक्रिया घेण्याचे आवाहन केले.

-------