युवकाच्या मृत्यूप्रकरणी अज्ञात इसमांविरुद्ध गुन्हा दाखल

दारूच्या नशेमध्ये विष पाजुन हत्या केल्याचा आरोप.

वाशिम : रिसोड मार्गावरील अडोळी फाट्यावर बेशुद्धावस्थेत आढळलेल्या रवींद्र बळीराम काळे याचा ७ जुलै रोजी उपचारादरम्यान मृत्यू झाला होता. मृतक काळे याचे अज्ञात इसमांनी २ जुलै रोजी अपहरण करून त्याला दारूच्या नशेमध्ये विष पाजुन हत्या केल्याचा आरोप मृतकाची पत्नी संगिता काळे यांनी करुन या संदर्भात पोलसांत दिलेल्या फिर्यादीवरुन अज्ञात ५ ते ६ इसमांविरुध्द भादवि कलम ३६३, ३६४ , ३0२ ३४ अन्वये शहर पोलीस स्टेशनमध्ये गुन्हा दाखल करण्यात आला आहे. जिल्हाधिकारी कार्यालयामधील कर्मचारी काळे हा १ जुलै रोजी अडोळी फाट्यावर पोलिसांना बेशुध्दावस्थेत मिळुन आला होता. त्याचेवर अकोला येथे उपचार सुरू होते. तथापी त्याचा ७ जुलै रोजी मृत्यु झाला. काळे यांच्या पत्नीने आपल्या पतीचे अपहरण करून हत्या केल्याचा आरोप करुन २ जुलै रोजी रात्री ९.३0 वाजता माझ्या मोबाईलवर मृतक पती रविंद्र काळे यांच्या मोबाईलवरुन ह्यप्लिज सेव्ह मीह्ण असा मॅसेज आला होता. असे पोलीसांत दिलेल्या तक्रारी त म्हटले आहे. संगिता यांच्या तक्रारीवरुन पोलीसांनी अज्ञात इसमांविरुध्द गुन्हा दाखल केला आहे.