मुख्य चौकात लोंबकळत्या वीजतारा!

----

‘रिचार्ज शाफ्ट’मुळे जलपातळीत वाढ

वाशिम : महामार्गाच्या कामासाठी गौणखनिजांची पूर्तता करण्यासाठी मंगरुळपीर तालुक्यातील शेलगाव शिवारातील शेततळे भूजल विकास आणि सर्वेक्षण संस्थेने तीन ‘रिचार्ज शाफ्ट’ खोदले आहेत. यामुळे परिसरातील भूजल पातळीत लक्षणीय वाढ झाली आहे.

--------------

गावातील नाल्यांची साफसफाई

कामरगाव : कारंजा तालुक्यातील सर्वात मोठी ग्रामपंचायत असलेल्या कामरगाव येथे महिनाभरापासून नाल्यांची सफाई करण्यात आली नव्हती. त्यामुळे सांडपाणी रस्त्यावर वाहत होते. ही बाब लक्षात घेत ग्रामपंचायतने नाल्यांची सफाई शनिवारी केली.

----

आयुर्वेदिक दवाखाना इमारत शिकस्त

धनज बु.: येथून जवळच असलेल्या राहाटी येथील आयुर्वेदिक दवाखान्याची दीड वर्षांपासून इमारत शिकस्त झाली आहे. तथापि, या इमारतीच्या दुरुस्तीची दखल घेण्यात आली नाही. शिवाय परिसरात मोठ्या प्रमाणात घाण, कचरा पसरला आहे.

----------

आरोग्य कर्मचाऱ्यांची पाच पदे रिक्त

उंबर्डा बाजार : येथील आरोग्यवर्धिनी केंद्रांतर्गत गेल्या कित्येक महिन्यांपासून ५ पदे रिक्त आहेत. सद्यस्थितीत २ अधिकारी आणि ११ कर्मचारी या आरोग्य केंद्रांतर्गत येणाऱ्या गावांतील ग्रामस्थांच्या आरोग्याची जबाबदारी सांभाळत आहेत.

--------

तलाठी कार्यालयाची स्थिती वाईट

तळप बु.: मानोरा तालुक्यातील तळप बु. येथील तलाठी कार्यालयाची अवस्था वाईट झाली आहे. इमारतीचे दरवाजे, खिडक्यांवरील खडंगे मोडकळीस आले आहेत. त्यामुळे या इमारतीच्या दुरुस्तीची मागणी होत आहे.