पानपट्टीमधून रोख रक्कम लंपास!

वाशिम येथील घटना.

वाशिम, दि. २८- : शहरातील खान पान सेंटरवर मद्यधुंद अवस्थेत असलेल्या एका युवकाने धिंगाणा घालून पानपट्टीमधील १३00 रुपये लंपास केले. ही घटना २७ ऑक्टोबरला रात्री १0 वाजताच्या सुमारास घडली.
येथील श्रीराम टॉकीजजवळ नाजीम खा पठाण यांची पानपट्टी आहे. या पानपट्टीवर संध्याकाळी १0 वाजता अब्दुल वसीम अब्दुल अजीम नामक युवक मद्यधुंद अवस्थेत आला होता. वसीम याने काही वेळ धिंगाणा घालून पानपट्टीमधील सामान फेकून देऊन पानपट्टीतील रोख १३00 रुपये लंपास केले. याप्रकरणी वाशिम शहर पोलीस स्टेशनमध्ये नाजीम खा पठाण यांनी फिर्याद दाखल केली. पोलिसांनी वसीम याच्याविरुद्ध विविध कलमान्वये गुन्हा दाखल करून त्याला अटक केली. न्यायालयाने त्याला तीन दिवसांची पोलीस कोठडी सुनावली.