जलस्रोतांची पातळी खालावली

--------------

पशू लसीकरण रखडले

वाशिम: पावसाळ्याच्या दिवसांत गुरांना होणारे विविध आजार रोखण्यासाठी पशुसंवर्धन विभागाकडून गुरांना लसीकरण केले जाते. आता पावसाळा सुरू होऊन दीड महिना उलटला, तरी पशुसंवर्धन विभागाकडून लसीकरण मोहीमच सुरू करण्यात आलेली नाही.

-------

जलवाहिनी फुटल्याने रस्त्यावर पाणी

वाशिम : जीवन प्राधिकरणच्या पाणीपुरवठा योजनेची जलवाहिनी ग्रामीण भागांत लीकेज झाली आहे. त्यामुळे या जलवाहिनीतून मोठ्या प्रमाणात बाहेर पडणारे पाणी रस्त्यावर साचून गटारे तयार होत आहेत. याचा ग्रामस्थांना त्रास होत आहे.

--------------

कीड नियंत्रणाबाबत शेतकऱ्यांना मार्गदर्शन

शेलुबाजार: कृषी विभागाकडून खरीप पिकांवरील किडीच्या नियंत्रणबाबत शेतकऱ्यांना तांत्रिक मार्गदर्शन करण्यात येत आहे. सोमवारी कृषी सहायकांनी शेतांना भेटी देऊन किडींचे प्रकार आणि त्यावर नियंत्रणाबाबत शेतकऱ्यांना मार्गदर्शन केले.

--------------

उंबर्ड्यात नाल्यांची सफाई

वाशिम: उंबर्डा बाजार येथील नाल्यांत कचरा खच्च भरला असून, गत दोन दिवसांत पडलेल्या पावसानंतर नाल्यांतील सांडपाणी रस्त्यावर वाहत आहे. यामुळे आरोग्याला असलेला धोका लक्षात घेत, उंबर्डा बाजार ग्रामपंचायतीने नाल्यांची सफाई सुरू केली आहे.

-------

लाइनमनची पदे रिक्त

वाशिम: मेडशी महावितरण कार्यालयात लाइनमनची तीन पदे रिक्त आहेत. या केंद्रांतर्गत घरगुती आणि शेतकरी मिळून १,३०० ग्राहकांच्या समस्या सोडविण्यासाठी एकच लाइनमन आहे. वीजपुरवठा खंडित झाल्यास शेतकऱ्यांसह घरगुती वीजग्राहकांना अनेक अडचणींचा सामना करावा लागतो.

^^^^^^^^^