जखमीच्या मृत्यूप्रकरणी सहा जणांवर खुनाचा गुन्हा दाखल
By admin | Published: October 14, 2015 02:02 AM2015-10-14T02:02:07+5:302015-10-14T02:02:07+5:30
अनसिंग येथील हल्लाप्रकरण.
जखमीच्या मृत्यूप्रकरणी सहा जणांवर खुनाचा गुन्हा दाखल
अनसिंग (जि. वाशिम): पूर्ववैमनस्यातून उद्भवलेल्या वादात गंभीर जखमी झालेल्या जयपूर येथील रामराव राठोड यांचा १३ ऑक्टोबरला उपचारादरम्यान मृत्यू झाला. याप्रकरणी सहा आरोपींविरुद्ध अनसिंग पोलिसांनी खुनाचा गुन्हा दाखल केला. अनसिंग पोलीस स्टेशन अंतर्गत असलेल्या जयपूर येथील रामराव राठोड हे शेतीचा व्यवसाय करीत. शेतीच्या वादावरून त्यांच्या शेजारी असलेल्या सिद्धू अंबादास गादेकर व इतर चौघांनी संगनमत करून १२ मे २0१४ रोजी कुर्हाडीने जखमी केले होते. सदर प्रकरण न्यायप्रविष्ट आहे. प्रकरण आपसात करण्यासाठी गादेकर दबाव आणत असल्याचा आरोप राठोड यांनी केला होता. याला नकार दिल्याने गादेकर याने ६ ऑक्टोबर रोजी धारदार शस्त्राने पोटामध्ये वार करून राठोड यांना गंभीर जखमी केले. राठोड यांना उपचारार्थ यवतमाळ येथे दाखल केले होते. दरम्यान, १३ ऑक्टोबरला राठोड यांचा मृत्यू झाल्याने अंबादास किसन गादेकर, दत्ता किसन गादेकर, शुभम अंबादास गादेकर, सिद्धू अंबादास गादेकर, सुनीता अंबादास गादेकर व सचिन दवणे या सहा आरोपींविरुद्ध खुनाचा गुन्हा दाखल केला.
