कृषी विभागाच्या मार्गदर्शनात नाला खोलीकरण

------------

कारंजात आणखी १२ बाधित

कारंजा: तालुक्यात कोरोना संसर्गाचे रुग्ण आढळण्याचे सत्र सुरूच असून, शनिवार रविवारी मिळून शहरातील ५, आखतवाडा येथील १, दोनद येथील १ खडी येथील १, मनभा येथील २, दुधोरा येथील १, धानोरा आणि येथील १, असे १२ व्यक्ती बाधित आढळून आले आहेत.

------------

रोहित्र दुरुस्तीची मागणी

वाशिम: तालुक्यातील १२ गावांतील रोहित्र नादुरुस्त असल्याने शेतकऱ्यांना सिंचनात अडथळे येत असून, भाजीपाला पिके संकटात सापडली आहेत. त्यामुळे हे रोहित्र दुरुस्त करण्याची मागणी शेतकऱ्यांनी शुक्रवारी महावितरणच्या कार्यकारी अभियंत्यांकडे केली आहे.

------------

सोनोग्राफी सुविधेचा अभाव

वाशिम: जिल्हा सामान्य रुग्णालय वगळता जिल्हाभरातील ग्रामीण रुग्णालयांत सोनोग्राफी सुविधेचा अभाव आहे. काही ठिकाणी मशीन नाही, तर काही ठिकाणी तंत्रज्ञ नसल्याने गोरगरीब महिलांना मोठा खर्च करून खासगीत तपासणी करावी लागत आहे.

------------

ऊस उत्पादकाला मदतीची प्रतीक्षा

शेलूबाजार: परिसरात सप्टेंबर महिन्यात मुसळधार पावसामुळे शेतकरी ज्ञानेश्वर डोंगरे यांच्या शेतीतील उसाचे पीक पूर्णपणे उद्ध्वस्त झाले होते. यासंदर्भात त्यांनी प्रशासनाला माहिती देऊन आर्थिक मदतीची मागणी केली; परंतु अद्यापही (१४ फेब्रुवारी) त्यांना कुठलीच मदत मिळाली नाही.

--------------

महामंडळासाठी भांडवलाची मागणी

वाशिम: मातंग समाजाच्या आर्थिक विकासासाठी लोकशाहीर अण्णा भाऊ साठे आर्थिक विकास महामंडळाला ३ हजार कोटींचे भागभांडवल पुरविण्याची मागणी लोकशाहीर अण्णा भाऊ साठे आर्थिक विकास महामंडळ बचाव आंदोलन कृती समितीने केली आहे.

===Photopath===

140221\14wsm_2_14022021_35.jpg

===Caption===

नाला खोलीकरण