वनोजा ते माळशेलू रस्त्यावर अपघातात दुचाकीस्वार ठार

लोकमत न्यूज नेटवर्क
मंगरुळपीर  : आॅटो-दुचाकी अपघातात दुचाकीस्वाराचा मृत्यू झाल्याची घटना १० डिसेंबरच्या रात्री साडे आठ वाजता तालुक्यातील वनोजा ते माळशेलू रस्त्यावर घडली .
पोलिसांनी दिलेल्या माहितीनुसार फिर्यादी कळनु बारकू घोडे (६५) रा . जनुना यांनी तक्रार दिली की, फिर्यादीचा २२ वर्षिय मुलगा आकाश कळनू घोडे हा १० डिसेंबरच्या रात्री जनुना येथून शेलुबाजार येथे मोटर सायकल क्र .एम .एच . ३० एन ८३३६ ने जात होता. यावेळी आॅटो क्रं. एम .एच. २९ डब्ल्यू ९४४० चा आॅटोचालकाने भरधाव वेगाने दुचाकीस धडक मारली. यात आकाशचा मृत्यू झाला. अशा तक्रारीवरून पोलिसांनी आॅटो चालकाविरुद्ध कलम २७९,२३७,३०४ अ व मोटार वाहन कायदा कलम १८४ नुसार गुन्हा दाखल केला आहे.