ट्रक अपघातात एक जण जागीच ठार

धोत्रा जहागीर फाट्यावर ट्रक अपघातात युवक ठार झाल्याची घटना १२ मे रोजी घडली.

कारंजा : येथून जवळच असलेल्या धोत्रा जहागीर फाट्यावर ट्रक अपघातात मदार छटू मुन्नीवाले (३०) वर्षीय युवक ठार झाल्याची घटना १२ मे रोजी पहाटे ५ वाजताच्या दरम्यान घडली.
तालुक्यातील ग्राम कोळी येथील रहिवासी मुन्नीवाले हे महिद्रा पिकअप वाहनाने अमरावती येथे जात असताना पहाटे ५ वाजताच्या दरम्यान धोत्रा जहागीर फाट्याजवळ उतरले असता पुढून येणाऱ्या आयशर ट्रक एम.एच.१२ एच.डी ५५४ च्या चालक सलीम चाँद चौधरी रा. मेहकर याने निष्काळजी, व भरधाव वेगाने वाहन चालवून धडक दिली. यामध्ये त्यांचा जागीच मृत्यू झाला. याप्रकरणी धनज पोलिसांनी ट्रक चालकाविरुद्ध भादंवि २७९, ३०४ अ नुसार गुन्हा दाखल केला आहे.