पानटपरी फोडून ४८ हजारांचा माल लंपास
By Admin | Published: January 10, 2017 02:41 AM2017-01-10T02:41:55+5:302017-01-10T02:41:55+5:30
धाड येथील घटना
पानटपरी फोडून ४८ हजारांचा माल लंपास
Next धाड, दि. ४- येथील छत्रपती शिवाजी महाराज चौकातील एक पानटपरी फोडून अज्ञात चोरट्यांनी तब्बल ४८ हजार रुपयांचा माल लंपास केल्याची घटना ८ जानेवारी रोजी रात्री घडली. पोलीस स्टेशनच्या हाकेच्या अंतरावर ही चोरीची घटना घडली आणि अशा प्रकारची घटना घडण्याची साधारण चौथी वेळ आहे. परिणामी व्यापारी वर्गात घबराट निर्माण झाली आहे. छत्रपती शिवाजी महाराज चौक हा नेहमीच गजबजलेला असतो. याठिकाणी चौकात पानटपरी, चहा, इले., कृषी केंद्र, किराणा व इतर व्यावसायिकांची दुकाने आहेत. या ठिकाणी म.नदिम म.अलीम यांची अमन पान सेंटर नावाची पानटपरी आहे. ८ जानेवारी रोजी ते नेहमीप्रमाणे टपरी बंद करून घरी गेल्यानंतर सकाळी नेहमीच्या वेळी टपरी उघडण्यास आले असता त्यांना चोरी झाल्याची घटना समजली. त्यांचे लगत असणार्‍या म.जाकीर यांचे चहाचे दुकानातून लाकडी फळ्या तोडून चोरट्यांनी प्रवेश मिळवत पानटपरीची मागील बाजू फोडत पानटपरीतील महागडे सिगारेट, विडी, तंबाखू, मसाला, असा ३१ हजार ८५0 रुपयांचा माल व रोख १६ हजार असा ४७ हजार ८५0 रु पयांचा माल चोरट्यांनी लंपास केला. या प्रकरणी अज्ञात आरोपीविरुद्ध गुन्हा नोंद केला.