पाणी पुरवठा योजनांचे देयक अदा करा

...............

आर्थिक मदत करण्याची मागणी

वाशिम : जिल्ह्यात १९ ते २१ मार्च या कालावधीत अवकाळी पाऊस व गारपीट होऊन शेकडो हेक्टर क्षेत्रावरील पिकांचे अतोनात नुकसान झाले. नुकसानाचा अहवाल प्रशासनाने शासनाकडे पाठविला असून, शेतकऱ्यांना आर्थिक मदतीची प्रतीक्षा लागून आहे.

.................

अनसिंग येथे प्लास्टिक बंदीचा फज्जा

वाशिम : शहरी भागामध्ये बंदी घातलेल्या प्लास्टिक पिशव्यांचा वापर होऊ नये, यादृष्टीने कार्यवाही करावी. तसेच ग्रामीण भागातही नियमांची अंमलबजावणी करून प्लास्टिक पिशवीची विक्री अथवा वाहतूक होत असल्यास दंडात्मक कारवाई करावी, अशी मागणी होत आहे.

................

मेडशी येथे रुग्णांची झाली सोय

वाशिम : आकांक्षित जिल्ह्यांच्या यादीत समाविष्ट असलेल्या वाशिम जिल्ह्याला नीति आयोगाकडून मिळालेल्या निधीतून १० रुग्णवाहिका मिळाल्या. मेडशीलाही रुग्णवाहिका मिळाल्याने रुग्णांची सोय झाली आहे.

....................

मानोरा क्रीडा संकुलाचा प्रश्न प्रलंबित

वाशिम : कोरोना विषाणू संसर्गाच्या संकटामुळे मैदानी खेळ बंद आहेत. यामुळे खेळाडूंमधून नाराजी व्यक्त होत आहे. दुसरीकडे येथील व्यापारी संकुल उभारण्याचा प्रश्नही प्रलंबित असल्याचे दिसून येत आहे.

.................

दुर्धर आजारग्रस्तांना मदतीची प्रतीक्षा

रिसोड : हृदयरोग, किडनी व कर्करोग, आदी दुर्धर आजाराने पीडित लाभार्थ्यांना औषधोपचाराकरिता जि.प.च्या आरोग्य विभागातर्फे प्रत्येकी १५ हजारांचे अर्थसाहाय्य दिले जाते. सन २०२० मध्ये २७ प्रस्ताव मंजूर झाले असून, संबंधिताना मदतीची प्रतीक्षा लागून आहे.

................

‘त्या’ अधिनियमाच्या अंमलबजावणीची मागणी

वाशिम : दिव्यांग व्यक्ती हक्क अधिनियम २०१६ नुसार दिव्यांगत्व तपासणी, मूल्यमापन व प्रमाणपत्र वितरणासाठी मार्गदर्शक सूचनांची अंमलबजवणी करण्यात यावी, अशी मागणी येथील दिव्यांग लाभार्थींनी सोमवारी केली.

............

किन्हीराजा येथे आरोग्य तपासणी

वाशिम : किन्हीराजा येथे कोरोना रुग्णांचा आकडा वाढतच चालला आहे. त्यानुषंगाने नागरिकांनी आवश्यक ती खबरदारी घेण्याचे आवाहन करण्यासोबतच आरोग्य विभागाने रविवारी गावात नागरिकांची आरोग्य तपासणी केली.

..................

स्मशानभूमींसाठी निधीची प्रतीक्षा

वाशिम : जिल्हा वार्षिक योजनेंतर्गत अतिरिक्त निधी मिळाल्यास स्मशानभूमी, ग्रामपंचायत भवनाचा प्रश्न निकाली निघणार आहे. १५ कोटींचा अतिरिक्त निधी केव्हा मिळणार, याकडे जिल्हावासीयांचे लक्ष लागून आहे.

..............

मास्कचा वापर करण्याकडे विशेष लक्ष

वाशिम : कोरोनाचा आलेख वाढत असल्याने गेल्या काही दिवसांपासून प्रत्येक नागरिकाच्या तोंडावर मास्क लावलेला दिसत आहे. विशेष बाब म्हणजे काही नागरिक डबल मास्क लावतानाही आढळत आहेत.

..................

कोरोनापासून बचावासाठी खबरदारी घ्या!

वाशिम : कोरोनाचा धोका दिवसेंदिवस बळावत चालला आहे. या पार्श्वभूमीवर नागरिकांनी कुठलीच हयगय न बाळगता कोरोनापासून बचावासाठी आवश्यक सर्व खबरदारी घ्यावी, असे आवाहन जिल्हा प्रशासनाकडून करण्यात आले.

...................

विशेष पथकांकडून देयकांकडे लक्ष

वाशिम : जिल्ह्यात कोरोनाबाधित रुग्णांवर उपचार करण्यासाठी खासगी रुग्णालयांना परवानगी देण्यात आली आहे. या रुग्णालयांकडून आकारल्या जाणाऱ्या देयकांवर स्वतंत्र पथक लक्ष ठेवून असल्याचे दिसत आहे.

...............

ऑक्सिजन सिलिंडरचा तुटवडा कायम

वाशिम : कोरोना विषाणू संसर्गाच्या दुसऱ्या लाटेत अडकलेल्या अधिकांश रुग्णांची ऑक्सिजन पातळी कमी होत आहे. यामुळे मागणीमध्ये वाढ झाल्याने सिलिंडरचा तुटवडा निर्माण झाला असून, घरीच उपचार घेत असलेल्या विविध दुर्धर आजारांमधील रुग्ण सिलिंडर मिळत नसल्याने हैराण झाले आहेत.

........................

बांधबंदिस्तीच्या कामांना वेग

उंबर्डा बाजार : कृषी विभागाच्यावतीने राबविण्यात येत असलेल्या पाणलोट विकास योजनेंतर्गत शेतशिवारांमध्ये बांधबंदिस्तीची कामे सध्या वेगात सुरू आहेत.