३५० सीडबाॅल तयार करून वृक्षाराेपण

येथे २७ मे रोजी

भारतीय जनता पार्टी महिला आघाडीच्या जिल्हा अध्यक्ष मीनाताई काळे यांच्या अध्यक्षतेखाली काजळेश्वर येथे वृक्षारोपण व सिड बॉल तयार करण्यात आले . तयार करण्यात आलेले सीड बाॅल रस्त्याच्या कडेला फेकून वृक्षाराेपण करण्यात आले.

वृक्षांची लागवड करणे किती गरजेचे आहे, हे या कोरोना काळामध्ये जनतेला कळून चुकले आणि त्याची गरज काय आहे, हे लक्षात घेता ३५० सीडबाॅल तयार करण्यात आले. यामध्ये कडुलिंब, चिंच, वड, पिंपळ, गुलमोहर, उंबर, आंबा आदी तयार केलेले सीडबॉल रस्त्याच्या कडेला फेकण्यात आले. तसेच पॉलिथिनमध्ये बीजारोपण करण्यात आले.

या कार्यक्रमाला जिल्हा अध्यक्ष मीनाताई काळे, जिल्हाचिटणीस रेखाताई लांडे, दिगंबर लांडे, सदस्य बेबी अंभोरे, आशा लांडे, सखू वाडकर, विमल सावरकर व इतर उपस्थित होते.