नियम तोडणाऱ्यांवर दंडात्मक कारवाई

...................

राष्ट्रीय महामार्गाच्या कामाला गती

ताेंडगाव : वाशिम ते अकोला यादरम्यानच्या राष्ट्रीय महामार्गाचे काम सध्या सुरू आहे. मालेगावपासून वाशिमपर्यंतच्या रस्तानिर्मितीला चांगलीच गती मिळाली असून, हे काम लवकरच पूर्ण होण्याचे संकेत आहेत.

.....................

कालवे नादुरुस्त; पाण्याचा अपव्यय

अनसिंग : अनसिंग परिसरात सध्या रब्बीच्या पिकांची स्थिती चांगली आहे. दुसरीकडे पिकांच्या सिंचनासाठी धरणामधील पाणी घेण्याकरिता असलेले कालवे नादुरुस्त झाल्याने पाण्याचा अपव्यय होत असल्याचे दिसत आहे.

........................

विहीर योजनेबाबत लाभार्थी संभ्रमात

शेलुबाजार : डॉ. बाबासाहेब आंबेडकर कृषी स्वावलंबन व बिरसा मुंडा कृषी क्रांती योजनेंतर्गत शेतकऱ्यांना विहीर आणि सिंचन साधने उपलब्ध करून दिली जातात; मात्र गतवर्षी अर्ज मागविण्यात आले नसल्याने लाभार्थी संभ्रमात सापडले आहेत.

..................

विहिरीत पडलेल्या नागासह दोन सर्पांना जीवदान

पोहरादेवी : अभयखेडा येथे मनवर यांच्या घराजवळ आढळून आलेल्या गवत्या जातीच्या सापासह गिरोली येथील बबलू डाखोरे यांच्या विहिरीत आढळून आलेल्या नागाला निसर्ग स्पर्श फाउंडेशनच्या सदस्यांनी सुरक्षित पकडून जंगलात सोडत जीवनदान दिले.

................

मुख्य रस्त्यावरील गतिराेधक अडचणीचे

कामरगाव : कामरगाव ते अमरावती मार्गावर असलेले गतिराेधक अडचणीचे ठरत असून अपघाताची शक्यता नाकारता येत नाही. गावानजीक असलेले गतिराेधक धाेक्याचे ठरत असल्याने ते काढण्याची मागणी हाेत आहे.

....................

रस्त्याच्या कडेला ऑटाे

धनज : धनज फाट्यावर रस्त्याच्या कडेला ऑटाे उभ्या केल्या जात असल्याने वाहतूक प्रभावित हाेत आहे. एका बाजूने ऑटाे उभ्या करण्याऐवजी चक्क रस्त्यावर ऑटाे उभ्या केल्या जात असल्याने प्रवाशांसह नागरिकांना त्रास सहन करावा लागत आहे.

................

हरभरा पिकावर मर रोगाचा प्रादुर्भाव

उंबर्डा बाजार : कारंजा तालुक्यातील उंबर्डा बाजार परिसरात गेल्या आठवडाभरापासून असलेल्या ढगाळ वातावरणामुळे हरभरा पिकावर मर रोगाचा प्रादुर्भाव वाढला आहे. यामुळे पीक सुकण्याच्या स्थितीत असून, शेतकरी पुन्हा चिंतेच्या गर्तेत सापडला आहे. या पिकावर घाटे अळीसह इतर किडींचा प्रादुर्भाव होत असल्याचे दिसून येत आहे.