चिमुकला रितेश कुटुंबीयांच्या स्वाधिन!
By admin | Published: October 23, 2016 01:41 AM2016-10-23T01:41:50+5:302016-10-23T01:41:50+5:30
लोकमतचे वृत्त वाचून आजोबास पटली ओळख.
चिमुकला रितेश कुटुंबीयांच्या स्वाधिन!
वाशिम, दि. २२- खंडवा येथे हरविलेल्या रितेश डोंगरे नामक आठ वर्षीय चिमुकल्यास अनसिंग पोलिसांनी शनिवार, २२ ऑक्टोबर रोजी रितसर प्रक्रिया पूर्ण करीत कुटुंबीयांकडे स्वाधीन केले.
मोलमजुरी करणार्या आई-वडिलांसोबत खंडवा येथे गेलेल्या आणि तेथेच हरविलेल्या रितेशच्या कुटुंबाचा शोध लागावा, यासंबंधी लोकमतने २0 ऑक्टोबरच्या अंकात सविस्तर वृत्त प्रकाशित केले होते. ते वाचून रितेशचे आजोबा (आईचे वडील, रा. अनसिंग) पांडुरंग खंदारे यांनी रितेश हा आपला नातू असल्याची ओळख पटवून दिली. पोलिसांनीही याप्रकरणी कार्यतत्परता दाखवत खंदारे यांनाच खंडवा येथे पाठवून रितेशला घेऊन यायला सांगितले. दरम्यान, शनिवारी यासंदर्भातील प्रक्रिया पूर्ण करीत अनसिंग पोलिसांनी रितेशला त्याच्या आजोबांच्या स्वाधीन केले.
