रस्त्याचे काम बंद; गावकरी धडकले तहसिल कार्यालयात

मानोरा : तालुक्यातील सावरगाव फॉरेस्ट येथील रस्ता वनविभागाच्या संबंधित अधिकाºयांनी अडविला असून, याविरोधात गावकºयांनी बुधवार, ३१ जुलै रोजी मानोरा तहसिल कार्यालय गाठून रस्ता काम सुरू करण्याची मागणी केली.

लोकमत न्यूज नेटवर्क
मानोरा : तालुक्यातील सावरगाव फॉरेस्ट येथील रस्ता वनविभागाच्या संबंधित अधिकाºयांनी अडविला असून, याविरोधात गावकºयांनी बुधवार, ३१ जुलै रोजी मानोरा तहसिल कार्यालय गाठून रस्ता काम सुरू करण्याची मागणी केली.
मानोरा तालुक्यातील सावरगाव फॉरेस्टचे नागरीक रस्त्यासाठी त्रस्त आहे. सावरगावला ये-जा करण्यासाठी रस्ताच नसल्यामुळे नागरिकांना अनेक समस्याला तोंड द्यावे लागत आहे. सावरगावला रस्ता व्हावा यासाठी नागरिकांनी अनेक आंदोलने केली. सन २०१४ -१५ मध्ये झालेल्या लोकसभा व विधानसभा निवडणुकीवर बहीष्कारही घातला होता. शिवाय ३१ जानेवारी २०१८ रोजी कारंजा-मानोरा या मार्गावर रास्ता रोको आंदोलनही केले होते. सावरगाव येथील नागरिकांच्या निवेदनानुसार, भारत सरकार, पर्यावरण वनविभाग आणि जलवायु परिवर्तन मंत्रालय नागपुर यांचे २६ मार्च १८ रोजीच्या पत्रानुसार वन जमिनीला मंजुरी मिळाली. तसेच सदर प्रकरणात मुख्य वनसंरक्षक महाराष्ट्र राज्य नागपुर यांचे पत्र ९ एपिल २०१८ नुसार मंजुरी सुध्दा मिळाली आहे. त्यानुसार मार्च २०१९ मध्ये रस्ता कामासाठी निविदादेखील काढण्यात आली. संबंधित यंत्रणेकडून कामही सुरू झाले. परंतू, त्यानंतर वनविभागाच्या अधिकाºयांनी रस्ता काम करण्यास मनाई केल्याने रस्त्याचे काम बंद पडले आहे. दुसरा कोणताच रस्ता नसल्याने विद्यार्थ्यांसह गावकºयांची प्रचंड प्रमाणात गैरसोय होत आहे. रस्ता काम सुरू करण्याच्या मागणीसाठी बुधवारी गावकºयांनी मानोरा तहसिल कार्यालयात धडक देत तहसिलदारांना निवेदन दिले. निवेदनावर ओंकार धनसिंग राठोड, अरविंद हिरासिंग नाईक, शंकर धनु जाधव, ओंकार पांडूरंग राऊत, सुखदेव किसन राठोड, भाऊराव वासुदेव राठोड , गणेश शेषराव पवार, यांच्यासह नागरिकांच्या स्वाक्षरी आहेत.