१५ जुलैपर्यंत शिष्यवृत्तीचे अर्ज मागविले

सन २०२०-२१ या शैक्षणिक वर्षामध्ये अनुसूचित जाती, विजाभज, इमाव व विमाप्र या प्रवर्गातील विद्यार्थ्यांचे शिष्यवृत्ती व इतर योजनांचे अर्ज महाडीबीटी पोर्टलला फार कमी प्रमाणात नोंदणी झाल्याचे दिसून येत आहे. जिल्ह्यातील सर्व प्राचार्यांनी आपल्या महाविद्यालयातील सर्व विद्यार्थ्यांना या योजनांचे अर्ज भरण्यासाठी सूचना द्याव्यात, तसेच सन २०१९-२० मधील अनुसूचित जाती, विजाभज, इमाव विमाप्र या प्रवर्गातील विद्यार्थ्यांचे शिष्यवृत्ती व इतर योजनांच्या प्रलंबित राहिलेल्या अर्जांवर १५ जुलै २०२१ पर्यंत कार्यवाही करून घ्यावी, अशा सूचना समाजकल्याण सहायक आयुक्त माया केदार यांनी दिल्या.

-------------------------अर्जांची पडताळणी करावी

शासनाच्या पडताळणी संकेतस्थळावर देण्यात आलेल्या कालावधीनुसार संबंधित महाविद्यालयांनी मॅट्रिकोत्तर शिष्यवृत्ती, शिक्षण फी, परीक्षा फी योजना व इतर ऑनलाइन झालेल्या योजनांसाठी प्राप्त झालेले अर्ज शासन निर्णयानुसार पडताळणी करून पात्र विद्यार्थ्यांचे अर्ज संकेतस्थळावर दिलेल्या कालावधीमध्ये सहायक आयुक्त, समाजकल्याण कार्यालय, वाशिम यांच्याकडे ऑनलाइन पाठवावेत, तसेच पात्र विद्यार्थी शिष्यवृत्ती व इतर योजनांपासून वंचित राहिल्यास आणि अशा विद्यार्थ्यांकडून फी वसूल केल्यास संबंधित महाविद्यालयाविरुद्ध शासन निर्णयानुसार कार्यवाही प्रस्तावित करण्यात येईल, असा इशाराही समाजकल्याण सहायक आयुक्त माया केदार यांनी दिला.