दुकानाला आग; दीड लाखाचे नुकसान

उमरदी येथील घटना.

जउळका रेल्वे, दि. १७- उमरदी येथे एका किराणा दुकानाला आग लागून एक लाख ६४ हजार रुपयांच्या साहित्याचे नुकसान झाल्याची घटना बुधवारी रात्री १२ ते १२.३0 च्या दरम्यान घडली. आग कशामुळे लागली हे अद्यापपर्यंंंंत कळू शकले नाही.
मालेगाव तालुक्यातील उमरदरी येथील विनोद राठोड यांचे किराणा दुकान असून या दुकानाला बुधवारी रात्री १२ ते १२.३0 च्या दरम्यान आग लागली. या आगीमुळे दुकानातील किराणा साहित्य, कटलरी साहित्य, मोबाइल रिचार्ज, फ्रीज व नगदी तीन हजार असा एकूण १ लाख ६४ हजार रुपयांचा माल जळून नुकसान झाले. या दुकानासमोर राहत असणार्‍या देवानंद पांढरे हे लघुशंकेसाठी बाहेर आले असता, त्यांना ही आग दिसली. या घटनेची माहिती दुकान मालकाला दिल्याने गावकर्‍यांच्या मदतीने आग विझविण्यात आली. या घटनेची माहिती मंडळ अधिकारी पी.एस. पांडे यांना दिल्यावरून त्यांनी घटनेचा पंचनामा केला. या अगोदरदेखील उमरदरी येथे एका घराला आग लागली होती. ही आग नेमकी कशामुळे लागली, याची माहिती अद्यापपर्यंंंंत मिळाली नाही.