काेराेनामुळे टरबुजाचे मातीमाेल भाव

दापुरा : काेराेना संसर्गामुळे काही तास वगळता बाजारपेठ बंद राहत असल्याने भरघाेस आलेले टरबुजाचे पीक येऊनही मातीमाेल भावात विकण्याची वेळ शेतकऱ्यांवर आली आहे.

दापुरा येथील युवा शेतकरी विश्वास गावंडे यांनी २ एकर टरबूज पिकाची लागवड करून मार्च महिन्यात कडाक्याचे तापमान असतानासुध्दा मेहनत घेऊन पिकाची निगा राखली. पीकही जोमात आले. परंतु महामारीमुळे अल्प काळच बाजारपेठ राहत असल्याने ३ रुपये किलाेच्यावर काेणी खरेदी करण्यास तयार नाही. स्वत: विकण्याचा विचार केला तर अल्प वेळेत विकणेही शक्य नसल्याने माेठ्या प्रमाणात नुकसान हाेत आहे. स्वत: विकण्याचा प्रयत्न केला असता १० ते २० रुपये नगाप्रमाणे टरबूज विकावे लागत असल्याने व संपूर्ण मालाची विक्री हाेत नसल्याने मजुरी, गाडी भाडेही निघत नसल्याचे वास्तव आहे. यामुळे टरबूज फेकून देण्याची वेळ आल्याचे विश्वास गावंडे यांनी सांगितले.

-----------------