दुचाकीच्या धडकेत एक ठार

रिसोड बसस्थानकाजवळ भरधाव वेगातील एका मोटारसायकलने दुसरीला धडक दिल्याने एकजण ठार.

रिसोड : येथील बसस्थानका नजीकच्या पेट्रोलपंपाजवळ भरधाव वेगातील एका मोटारसायकलने दुसरीला धडक दिल्याने एकजण ठार तर दोघे जखमी झाल्याची घटना ५ जून रोजी दुपारी घडली.
अपघातामध्ये दुसर्‍या मोटारसायकला धडक देणारा मोटारसायकलचालक लालखॉ चव्हाण (वय ४0 ) रा. व्याड हा जागीच ठार झाला तर समोरील मोटारसायकल वरील परशराम घोडके(वय ५0) व लक्ष्मीबाई घोडके (वय ४५) रा.पांग्रा डोळे ता.लोणार हे जखमी झाले. त्यांना स्थानिक ग्रामीण रुग्णालयात दाखल करण्यात आले आहे.हे वृत्त लिहीपर्यत गुन्हा दाखल झाला नव्हता.