भरपावसाळ्यात समृद्धीच्या कामासाठी धडपड

वाशिम जिल्ह्यात पॅकेज ४ आणि पॅकेज ५, असे दोन टप्प्यांत समृद्धी महामार्गाचे काम केले जात आहे. यात पॅकेज ५ मध्ये ४२.८७७ किमी अंतरात उड्डाण पूल, लघु पूल, आरओबी, व्हीओपी, व्हीयूपी, एलव्हीयूपी, कप आणि पीयूपी, डब्लूओपी, पीओपी, बॉक्स रेल्वे आणि नवनिर्मिती मिळून ८३ रचना आहेत. त्यापैकी ३२३ रचना पूर्ण झाल्या, तर ४३ रचनांची कामे प्रगतिपथावर आहेत, तर पॅकेज ४ मध्ये ५४.३५६ किमी अंतरात १२६ रचना असून, त्यापैकी ७९ पूर्ण झाल्या, तर ३८ रचनांची कामे प्रगतिपथावर आहेत. जवळपास ७२१ किमी अंतराच्या या महत्त्वाकांक्षी प्रकल्पाचे हिंदू हृदयसम्राट बाळासाहेब ठाकरे महाराष्ट्र समृद्धी महामार्ग असे नामकरण करण्यात आले आहे. या प्रकल्पाचे काम पूर्ण करून त्याचे लोकार्पण करण्यासाठी राज्य शासनाची धडपड आहे. गत १ मे रोजीच या महामार्गातील काही भागांचे लोकार्पण करण्याची घोषणा मुख्यमंत्र्यांनी केली होती. परंतु, तांत्रिक अडचणीमुळे ते होऊ शकले नाही. आता वाशिम जिल्ह्यात दोनद बु. ते जनुना खु. या दरम्यान प्रलंबित असलेली कामे पूर्ण करण्यासाठी कंत्राटदार आणि राज्य रस्ते विकास महामंडळाची मोठी कसरत सुरू आहे. त्यामुळे भरपावसाळ्यातही उड्डाण पुलासह विविध कामे केली जात असल्याचे पाहायला मिळत आहे.

--------------

पावसाचा कामात खोडा

समृद्धी महामार्गाचे काम वेगात करून त्याचे लोकार्पण करण्यासाठी राज्य रस्ते विकास महामंडळ आणि कंत्राटदार कंपन्यांची धडपड सुरू आहे. त्यामुळेच पावसातही या मार्गाचे काम केले जात आहे. काही भागांत हे काम सुरळीत होत असले तरी, गत चार दिवसांत आलेल्या पावसामुळे या कामांत खोडाही आला आहे. तथापि, पावसाची उघडीप मिळताच काम सुरू करून शक्य तेवढ्या लवकर ते पूर्ण करण्याचा प्रयत्न प्रशासन आणि कंत्राटदारांकडून होत आहे.

--------------

===Photopath===

140621\14wsm_1_14062021_35.jpg

===Caption===

भर पावसाळ्यात समृद्धीच्या कामासाठी धडपड