तऱ्हाळा येथील २१ वर्षीय तरुण शेतकऱ्याची गळफास घेवून आत्महत्या

मंगरुळपीर : तालुक्यातील तऱ्हाळा येथील २१ वर्षीय अविवाहीत युवा शेतकरी भास्कर ज्ञानदेव आगळे यांनी राहत्या घरात गळफास घेवून आत्महत्या केल्याची घटना १ जुन रोजी रात्री ९:३० वाजताच्या दरम्यान घडली . त्यांच्या पश्चात त्याची आई असून एकुलत्या मुलाच्या आत्महत्येमुळे एकट्या आईवर आभाळ कोसळले आहे.
काही वर्षापुर्वी वडीलाचे निधन झाल्यानंतर भास्करवर कुटूबाची जबाबदारी आली . दरवर्षी होणारी नापिकी त्यामुळे सेवा सहकारी सोसायटीचे वाढते कर्ज यामुळे भास्कर हा तनावात राहत होता.गेल्यावर्षी कर्जाचे पुर्नगठन केले होते , त्यामुळे सद्या त्यांच्या अंगावर सोसायटीचे ७० हजार रुपये पिक कर्ज थकीत होते . बँकेचे कर्ज भरण्यास पैसे नाही, यावर्षी बी - बियाण्याची सोय कशी लावावी या विवंचणेत भाश्कर असल्याची चर्चा आहे .