रस्ता कामामुळे वाहतुकीस अडथळा

...............

मुख्य रस्त्यावरील हातपंप हटवा

वाशिम : स्थानिक पाटणी कमर्शियल काॅम्प्लेक्ससमोरच्या मुख्य रस्त्याला लागूनच जुना हातपंप अद्याप कायम आहे. पाणी उपलब्ध नसलेला हा हातपंप काढून घ्यावा, अशी मागणी होत आहे.

..............

रस्त्याला खड्डेच खड्डे, वाहनचालक त्रस्त

वाशिम : पोस्ट ऑफिस चाैकापासून सिव्हिल लाईनकडे जाणाऱ्या रस्त्याची दुरवस्था झाली आहे. दुरुस्तीची मागणी वेळोवेळी करण्यात आली; मात्र हा प्रश्न अद्याप ‘जैसे थे’ असून वाहनचालक त्रस्त झाले आहेत.

...................

मोकाट श्वानांमुळे नागरिक त्रस्त

वाशिम : शहरातील काही भागात विशेषत: रात्रीच्या सुमारास मोकाट श्वान अंगावर धावून येण्याचा प्रकार बळावला आहे. यामुळे वाहनचालक नागरिक त्रस्त झाले असून, न.प.ने श्वानांचा बंदोबस्त करण्याची मागणी होत आहे.

...............

शिवरायांच्या पुतळ्यास जलाभिषेक

वाशिम : स्थानिक छत्रपती शिवरायांच्या पुतळ्यास वर्षभर जलाभिषेक करण्याचा संकल्प शहरातील काही युवकांनी घेतला आहे. त्यानुसार, रविवारी सकाळच्या सुमारास हा उपक्रम राबविण्यात आला.