कृषी संजीवनी सप्ताहांतर्गत संत्रा पिकावर प्रशिक्षण

कार्यक्रमाच्या अध्यक्षस्थानी वडजी येथील प्रगतीशील शेतकरी विलासराव बोरकर, प्रमुख मार्गदर्शक म्हणून कृविकेचे उद्यानविद्या तज्ज्ञ निवृत्ती पाटील उपस्थित होते. सर्वप्रथम विविध संत्रा बागांची पाहणी करून निरीक्षणे घेण्यात आली या मध्ये इंडो-इस्राइल तंत्रज्ञानाने विकसित केलेल्या बागांचीसुद्धा पाहणी करण्यात आली. तांत्रिक मार्गदर्शनात बागांच्या निरीक्षणाच्या आधारे निवृत्ती पाटील यांनी मार्गदर्शनात एकात्मिक अन्नद्रव्य व्यवस्थापन, संजीवकांचा वापर, ओलीत व्यवस्थापन, नवीन लागवड व कीड व रोग व्यवस्थापन इत्यादी विषयी सविस्तरपणे मार्गदर्शन केले. सोबतच संत्रा या बहुवर्षीय पिकाच्या उत्कृष्ट बागा निर्माण करण्यासाठी बागाईतदारांनी आपल्या अनुभवांची देवाण घेवाण करणे अत्यंत महत्त्वाचे असून, त्या दृष्टीने गट शेती संकल्पाची माहिती देऊन गट शेती सुरू करण्याचे आवाहन केले.

----------

उत्पादनक्षम बागा निर्माण कराव्या !

अध्यक्षीय भाषणात विलासराव बोरकर यांनी संत्रा पिकात प्रचंड संधी असून शेतकरी बंधूनी कृषी विज्ञान केंद्राच्या मार्गदर्शनात उत्कृष्ट व उत्पादनक्षम बागा निर्माण कराव्या आणि गट शेती संकल्पना प्रत्यक्षात आणावी, असे आवाहन केले. त्यानंतर उपस्थित शेतकरी बंधूनी विचारलेल्या शंकांचे समाधान तज्ज्ञांकडून करण्यात आले. यावेळी प्रदीप बोरकर, राजेश बोरकर, विजय देशमुख, सुनील बोरकर, शिवाजी शेजूळ, अजय बोरकर, सतीश बोरकर व इतर संत्रा बागाईतदार मोठ्या संख्येने उपस्थित होते. कार्यक्रमाचे सूत्रसंचालन व आभार प्रदर्शन गोपाल बोरकर यांनी केले.