ट्रकची जबर धडक; युवक ठार
By admin | Published: February 7, 2017 03:06 AM2017-02-07T03:06:15+5:302017-02-07T03:06:15+5:30
औरंगाबाद-नागपूर द्रूतगती मार्गावरील घटना.
ट्रकची जबर धडक; युवक ठार
शिरपूर जैन, दि. ६- औरंगाबाद-नागपूर द्रूतगती मार्गावर चांडसनजीक ट्रकने पाठीमागून धडक दिल्याने झालेल्या अपघातात नरसिंग ज्ञानबा राऊत (वय २३ वर्षे) हा दुचाकी चालक जागेवरच ठार झाला. ही घटना सोमवार, ६ फेब्रुवारीला घडली. रिसोड तालुक्यातील करंजी गरड येथील नरसिंग राऊत हा गावातील पवन रामकृष्ण गरड यांना घेऊन ६ फेब्रुवारी रोजी वाशिमला दुचाकीने जात होता. यावेळी मागून येणार्या ट्रकने (क्रमांक डब्ल्यू.बी.२३ डी.१६५५) दुचाकीला जबर धडक दिली. यामध्ये नरसिंग राऊत यांच्या डोक्याला गंभीर दुखापत होवून ते जागेवरच ठार झाले. या अपघातप्रकरणी पवन गरड यांच्या तक्रारीवरुन पोलिसांनी ट्रक चालकाविरुध्द कलम २७९, ३३७, ३0४ (अ) भादंवी व मुंबई मोटार वाहन कायदा १८४ नुसार गुन्हा दाखल करण्यात आला असून अपघातातील ट्रक पोलिसांनी ताब्यात घेतला. घटनेचा तपास सपोनि कमलेश खंडारे करित आहेत.
