आणखी दोन कोरोना पॉझिटिव्ह!

जिल्ह्यात कोरोना रुग्णांची संख्या कमी होत असल्याने जिल्हावासीयांना दिलासा मिळत आहे. बुधवारी दोनजणांना कोरोना संसर्ग झाल्याचे स्पष्ट झाले. मालेगाव तालुक्याचा अपवादवगळता उर्वरित पाचही तालुक्यांत एकही रुग्ण आढळून आला नाही. आतापर्यंत जिल्ह्यात ४१,७१२ रुग्ण आढळून आले आहेत. यापैकी ४१,०६३ रुग्णांनी कोरोनावर मात केली, तर आतापर्यंत ६३८ जणांचा मृत्यू झाला. कोरोनाची दुसरी लाट ओसरत असली तरी तिसऱ्या लाटेची शक्यता वर्तविण्यात येत असल्याने नागरिकांनी काळजी घ्यावी, असे आवाहन जिल्हा प्रशासन व आरोग्य विभागाने केले.

००००

१० सक्रिय रुग्ण

बुधवारच्या अहवालानुसार नवीन दोन रुग्ण आढळून आले. सध्या गृहविलगीकरणात १० रुग्ण असून, सर्वांची प्रकृती ठणठणीत असल्याचे आरोग्य विभागाने स्पष्ट केले.

0000000000000

पाच तालुके निरंक

बुधवारच्या अहवालानुसार मालेगाव शहरात दोन रुग्ण आढळून आले. उर्वरित कारंजा, रिसोड, वाशिम, मंगरुळपीर व मानोरा तालुक्यात एकही रुग्ण आढळून आला नाही.