वाशिम जिल्ह्यात आणखी दोन जणांचा मृत्यू; २९ कोरोना पॉझिटिव्ह !

आणखी दोन जणांचा कोरोनामुळे मृत्यू झाल्याची नोंद गुरूवारी घेण्यात आली.

लोकमत न्यूज नेटवर्क 
वाशिम :  जिल्ह्यात कोरोना संसर्गाचा वेग कमी होत असला, तरी मृत्यूसत्र कायम असल्याचे दिसून येते. आणखी दोन जणांचा कोरोनामुळे मृत्यू झाल्याची नोंद गुरूवारी घेण्यात आली. दरम्यान गुरूवारी २९ जणांचा कोरोना  चाचणी अहवाल पाॅझिटिव्ह आला तर २६ जणांनी कोरोनावर मात केली. 
जिल्ह्यात कोराेनाचा आलेख काही अंशी घसरत असला तरी  मृत्यूसत्र कायम असल्याने जिल्हावासियांची चिंता वाढली आहे. आणखी दोन जणांचा मृत्यू झाल्याची नोंद गुरूवारी झाली असून आतापर्यंत १३९ जणांचा मृत्यू झाला. दरम्यान गुरूवारी दिवसभरात २९ जणांचा कोरोना चाचणी अहवाल पाॅझिटिव्ह आला. यामध्ये वाशिम शहरातील गुरुवार बाजार २, जुनी आययुडीपी  १, पोस्ट ऑफिस जवळील २, शहरातील इतर ठिकाणचा १, मालेगाव तालुक्यातील वडप १, पांगरी कुटे १, मंगरूळपीर शहरातील ४, फाळेगाव येथील ३, मानोली येथील २, शाहपूर येथील १, तऱ्हाळा येथील २, कारंजा लाड शहरातील भारतीपुरा येथील २, मोठे राम मंदिर परिसरातील ७ अशा २९ जणांचा समावेश आहे. आता जिल्ह्यातील कोरोनाबाधितांची एकूण संख्या ५६७६ झाली. यापैकी आतापर्यंत ५०७३ जण बरे झाले तर १३९ जणांचा मृत्यू झाला.