दुचाकी अडवून दोघांना लुटले!

वाशिम : वाशिम ते केकतउमरा मार्गावर अज्ञात तीन इसमांनी मोटारसायकल अडवून दोघांकडून १४ हजारांचा ऐवज जबरीने चोरुन नेला.

लोकमत न्यूज नेटवर्क
वाशिम : वाशिम ते केकतउमरा मार्गावर अज्ञात तीन इसमांनी मोटारसायकल अडवून दोघांकडून १४ हजारांचा ऐवज जबरीने चोरुन नेला. ही घटना २३ मे रोजी रात्री ८ वाजता केकतउमरा मार्गावर घडली.
गणेश विश्वनाथ गोटे व गणेश ज्ञानदेव गोटे हे दोघे आपल्या गावी तोंडगाव येथे केकतउमरा मार्गे दुचाकीने जात होेते. दरम्यान, वामन जाधव यांचे शेताजवळ अज्ञात तीन लोकांनी दुचाकी अडवून मारहाण केली व खिशातील दोन मोबाइल व रोख २५०० रुपये, असा एकूण १४ हजारांचा ऐवज जबरीने हिसकावून नेला. या प्रकरणी वाशिम पोलिसांनी अज्ञात तिघांविरुद्ध भादंवि कलम ३९२, ३४ अन्वये गुन्हा दाखल केला.