VIDEO : हंगाम अर्ध्यावर असताना भुईमुगाची पेरणी

ऑनलाइन लोकमत

शिरपूर जैन ( वाशिम). दि. ८ -  यंदा पावसाळा चांगला झाला. त्यामुळे शेतक-यांच्या विहिरीला ब-यापैकी पाणी असून, रब्बी हंगामानंतर आता भुईमुगाच्या पे-यात वाढ होत आहे. भुईमुगाच्या पेरणीचा हंगाम अर्ध्यावर असतानाही सिंचनाची सोय असलेले अनेक शेतकरी उन्हाळी भुईमुगाची पेरणी करताना दिसत आहेत.

 

वाशिम जिल्ह्यात मागील काही वर्षांत अवर्षणामुळे पाणीटंचाई झाली आणि शेतक-यांच्या सिंचनावर गदा आली. पाणीच नसल्यामुळे शेतकरी नुकसान नको म्हणून शेतक-यांनी उन्हाळी भुईमुगासारख्या पिकाची पेरणी करण्याचा विचारच केला नव्हता. परंतु यंदा मात्र जोरदार पावसामुळे सिंचनासाठी मुबलक पाणी असल्याने हंगाम अर्ध्यावर असतानाही शेतक-यांकडून चालू आठवड्यातही भुईमुगाची पेरणी करण्यात येत असल्याचे चित्र पाहायला मिळत आहे. अनेक शेतक-यांनी गेल्या चार दिवसांत पेरणी केलेल्या भुईमुगाला तुषार सिंचनाचा आधार देण्यास सुरुवात केली आहे. 

 

 

https://www.dailymotion.com/video/x844qog