थंडीचा पिकांना फटका : एका दिवसात ‘हिरवे रान झाले पिवळे!’

मका व हळद पिकाने हिरवा शालू पांघरुन नटलेले असे हिरवे रान एका दिवसात पिवळे पडल्याचे चित्र बुलडाणा जिल्ह्यातील बहुतांश भागात पाहवयास मिळत आहे.

बुलडाणा : मका व हळद पिकाने हिरवा शालू पांघरुन नटलेले असे हिरवे रान एका दिवसात पिवळे पडल्याचे चित्र  बुलडाणा  जिल्ह्यातील बहुतांश भागात पाहावयास मिळत आहे. मका व हळद या दोन्ही पिकांना उष्ण व दमट  हवामान  चांगले मानवते; मात्र जिल्ह्यातील  हवामानाचा  पारा अत्यंत खाली घसरल्याने शेतातील उभी झाडे वाळली आहेत. वाढत्या थंडीचा मका, हळद व इतर काही पिकांना फटका बसल्याने शेतकरी चिंताग्रस्त झाले आहेत.