परमबीर खटला महाराष्ट्र पोलिसांकडून निसटणार, CBI ला मिळणार? | Param Bir Singh relief from arrest

By ऑनलाइन लोकमत | Published: December 8, 2021 01:39 PM2021-12-08T13:39:26+5:302021-12-08T13:40:52+5:30

Supreme Court grants Param Bir Singh relief from arrest या ना त्या कारणामुळे वादात सापडणारे Parambir Singh यांना लॉटरीच लागलीय. त्याचवेळेला परमबीर यांच्या अटकेसाठी हरतऱ्हेची कायदेशीर प्रक्रिया पूर्ण करणाऱ्या महाराष्ट्र पोलिसांना दणका बसलाय. कारण एक तर आता परमबीर सिंह यांना पुढच्या वर्षीपर्यंत अटक करता येणार नाहीये, दुसरीकडे परमबीर यांच्याविरोधात Maharashtra Police जो तपास करतायंत तो केंद्रीय यंत्रणांकडे वळवला जाऊ शकतो, असे स्पष्ट संकेत सीबीआयनं दिलेत. परमबीर सिंह यांच्यावर राज्यात वेगवेगळ्या पोलिस ठाण्यात अनेक गुन्हे दाखल झालेत. यामध्ये खंडणी, फसवणूक यासारख्या गुन्ह्यांचा समावेश आहे. या साऱ्या खटल्यातून महाराष्ट्र पोलिस हटतील, केंद्रीय यंत्रणांची एंट्री होईल, त्यादरम्यान परमबीर यांना अटकच करता येणार नाही असा हा सारा मामला आहे. पाहुयात सुप्रीम कोर्टात नेमकं काय झालं, २ महत्त्वाचे मुद्दे आहेत ज्यामुळे परमबीर यांना दिलासा मिळालाय.