काटेरी ढिगावर लोळणारे भक्त, पुरंदर तालुक्यातील ज्योतिर्लिंगाची काटेबारस

नीरा : पुणे जिल्ह्यातील पुरंदर तालुक्यातील गुळुंचे येथील भक्ती आणि शक्तीची प्रेरणा देणारी श्री ज्योतिर्लिंगाची यात्रा उत्साहात साजरी झाली. बाभळीच्या काटेरी ढिगावर मोठ्या श्रद्धेने व भक्तिभावाने भाविकांनी उड्या घेतल्या. काटेरी ढिगावर लोळणारे भक्त पाहण्यासाठी हजारोंच्या संख्येत राज्यासह परराज्यांतील शिवभक्त उपस्थित होते. १२ दिवस चाललेल्या काटेबारस यात्रेची मोठ्या उत्साहात सांगता झाली.