जिल्हाभर शिवजयंती विविध कार्यक्रमांनी साजरी

हिंदवी स्वराज्याचे संस्थापक छत्रपती शिवाजी महाराज यांची जयंती जिल्हाभर विविध कार्यक्रमांनी उत्साहात साजरी करण्यात आली.

यवतमाळ : हिंदवी स्वराज्याचे संस्थापक छत्रपती शिवाजी महाराज यांची जयंती जिल्हाभर विविध कार्यक्रमांनी उत्साहात साजरी करण्यात आली.
बाभूळगाव येथे शिवसेना शहर प्रमुख नंदकिशोर अडेकार यांच्या नेतृत्वात शोभायात्रा काढण्यात आली. यावेळी उपजिल्हा प्रमुख संतोष ढवळे, वाघापूरचे सरपंच संजय कोल्हे, वसंतराव कंगाले, तालुका प्रमुख जनार्दन झाटे, तालुका संघटक रमेश पराते, महिला आघाडी संघटक रंजना घटे, महादेवराव गर्जे, प्रल्हाद डेहणकर, भानूदास राऊत उपस्थित होते.
शिवछत्रपती चौकातील शिवाजी महाराजांच्या प्रतिमेचे पूजन करण्यात आले. शहरातील मुख्य मार्गांवरुन काढण्यात आलेल्या शोभायात्रेतील ‘बाल शिवाजी’ने सर्वांचे लक्ष वेधून घेतले. प्रसंगी संतोष ढवळे यांनी मार्गदर्शन केले. या कार्यक्रमांसाठी उपतालुका प्रमुख संतोष ठावरे, गजानन कोळणकर, चंद्रशेखर केळतकर, अनिल गावंडे, विजय गलाट, विक्की बऱ्हाणपुरे, तिलक जाधव, विक्की बोरकर, रामू वाघाडे, घनशाम जांभोरे यांनी पुढाकार घेतला.
घाटंजी येथे शोभायात्रा
घाटंजी : छत्रपती शिवाजी महाराजांच्या जयंतीचे औचित्य साधून ढोलताशांच्या गजरात येथे मिरवणूक काढण्यात आली. शिवपूजनाने शिवाजी चौकातून शोभायात्रेला सुरूवात झाली.
यात युवक मोठ्या संख्येने सहभागी झाले होते. उत्सवासाठी समितीचे अध्यक्ष निखिल देठे, हर्षल भोयर, प्रणव भारती, प्रतीक राठोड, मंदार चौधरी, प्रशांत राठोड, वैभव मलकापुरे, अमीत पडलवार, पिंटू झाडे, पुष्कर कुर्जेकर, शुभम देशमुख, अक्षय धाटे, सुहास दिकुंडवार, शुभम शितापकर, शाम भांदककर, अभिजित भारती, विशाल जाधव, स्वप्नील ठाकरे, बंटी ठाकरे, तेजस येरावार, छोटू उईके, गजू भोयर आदींनी पुढाकार घेतला.
विसावा कॉलनी, पिंपळगाव
यवतमाळ : स्थानिक पिंपळगाव भागातील विसावा कॉलनीत शिवजयंतीचा कार्यक्रम घेण्यात आला. ओमप्रकाश देसाई, तायवाडे, गायधने, नीत, ठाकरे आदींनी शिवछत्रपतींच्या प्रतिमेला पुष्पहार अर्पण करून अभिवादन केले. मान्यवरांनी शिवकार्यावर प्रकाश टाकला.
या कार्यक्रमासाठी सैयद अली, किरणापुरे, रत्नपारखी, अर्धापूरकर, आगलावे, इंगोले, डॉ. चौधरी, जयस्वाल, आकाश इंगोले आदींनी पुढाकार घेतला.
उत्तरवाढोणा
सोनखास : उत्तरवाढोणा येथे शिवसेनेतर्फे शोभायात्रा काढण्यात आली. यात शाखा प्रमुख निरंजन लांजेवार, विभाग प्रमुख अनिल चव्हाण, तंटामुक्तीचे अध्यक्ष पंडित चव्हाण, अंजेश माने, रामनाथ देवकते, मुकींदा गुरड, मंगेश अलोणे, राहुल गुरड, डॉ. सुरेश खांदवे, संजय माने, विनोद आडे आदी सहभागी झाले होते.
शिवसेना वडगाव शाखा
यवतमाळ : शिवसेना वडगाव विभागातर्फे छत्रपती शिवाजी महाराज जयंतीचा कार्यक्रम घेण्यात आला. उपतालुका प्रमुख अतुल गुल्हाने यांच्या पुढाकारात शोभायात्रा काढण्यात आली. या कार्यक्रमाला उपजिल्हा प्रमुख प्रवीण पांडे, किशोर इंगळे, संजय रंगे, मोरश्वर चरेगावकर, गोविंद गावंडे, दीपक सुकळकर, सुरेश शिरभाते, प्रकाश लांजेवार, रामेश्वर ढोबळे, राजू हनवते, मनोहर भुसारी, प्रभाकर देवकर, अरुण शरतकर, अशोक काळमोरे उपस्थित होते.