ढगफुटीमुळे झालेल्या नुकसानीचे पंचनामे करून भरपाई द्या

उमरखेड : गेल्या १० जुलैला तालुक्यातील धानोरा(सा.) परिसरात दुपारी अचानक झालेल्या ढगफुटीमुळे शेतीपिकांचे मोठे नुकसान झाले. पूरग्रस्त शेतकरी व नुकसानग्रस्त गावकऱ्यांना तातडीने नुकसानभरपाई द्यावी, अशी मागणी जिजाऊ ब्रिगेडने तहसीलदारांना दिलेल्या निवेदनातून केली आहे.

ढगफुटीमुळे शेताचे व गावातील घरांचे अतोनात नुकसान झाले. त्याला आता ५ दिवस उलटले आहे तरीही प्रशासनातील अधिकारी पाहणी करण्यासाठी आले नाही. त्यामुळे तहसीलदार यांनी पंचनाम्याचे आदेश देऊन त्वरित नुकसानभरपाई द्यावी, असे निवेदनातून म्हटले आहे.

निवेदन देताना जिजाऊ ब्रिगेडच्या जिल्हाध्यक्ष सरोज देशमुख, सपना चौधरी, शोभा राऊत, बंडू भुते, नितीन शिंदे, ज्ञानेश्वर लोखंडे, बालाजी देशमुख, शुभम माने, जरिफ खान, मुक्तार शाह, सिराज खान, शाहरूख पठाण आदी उपस्थित होते.