यवतमाळ जिल्ह्यात भरधाव कंटेनरची एसटीला धडक; सहा जखमी
By लोकमत न्यूज नेटवर्क | Published: June 21, 2022 09:18 PM2022-06-21T21:18:58+5:302022-06-21T21:19:23+5:30
Yawatmal News येथील पांढरकवडा मार्गावर पारवा शिवारात भरधाव कंटेनरने एसटी बसला धडक दिली. हा अपघात मंगळवारी रात्री ८ वाजता घडला. यात एसटी चालकासह सहा जण जखमी झाले.
यवतमाळ जिल्ह्यात भरधाव कंटेनरची एसटीला धडक; सहा जखमी
Next यवतमाळ : येथील पांढरकवडा मार्गावर पारवा शिवारात भरधाव कंटेनरने एसटी बसला धडक दिली. हा अपघात मंगळवारी रात्री ८ वाजता घडला. यात एसटी चालकासह सहा जण जखमी झाले.
अमरावती- पांढरकवडा बस (क्र. एमएच ४० वाय ५२४५) यवतमाळवरून पांढरकवडा येथे जात होती. चंद्रपूरवरून कंटेनर (क्र. एमएच ३४ एव्ही १२३४) यवतमाळकडे येत होता. कंटेनर चालकाचे नियंत्रण सुटल्याने तो एसटी बसला धडकला. या धडकेमुळे एसटी झाडावर जावून आदळली. यात बस चालकासह सहा प्रवासी जखमी झाले. त्यांना तातडीने शासकीय रुग्णालयात दाखल करण्यात आले. वाहतूक पोलिसांनी घटनास्थळ गाठून वाहतूक सुरळीत केली.