शिरोलीच्या राहुल जीवने यांचा सत्कार

मुंबई येथे घेण्यात आलेल्या ‘लोकमत वॉटर समीट-२०१७’ कार्यक्रमात शिरोली येथील नवचैतन्य संस्थेचा राज्यात दुसरा क्रमांक आला.

जलकथेत राज्यात दुसरा : ‘लोकमत वॉटर समीट’ कार्यक्रमात गौरव
लोकमत न्यूज नेटवर्क
घाटंजी : मुंबई येथे घेण्यात आलेल्या ‘लोकमत वॉटर समीट-२०१७’ कार्यक्रमात शिरोली येथील नवचैतन्य संस्थेचा राज्यात दुसरा क्रमांक आला. याबद्दल संस्थेचे अध्यक्ष राहुल जीवने यांचा सत्कार करण्यात आला.
जलसमृद्ध महाराष्ट्र निर्माण करण्यासाठी प्रत्येकाने पुढे यावे यासाठी एक पाऊल पुढे टाकत ‘लोकमत वॉटर समीट-२०१७’चे आयोजन करण्यात आले होते. यासाठी जलसंवर्धन आणि पाणी बचतीसाठी कार्यरत असणाऱ्यांकडून जलकथा मागविल्या होत्या. यातून नवचैतन्य बहुद्देशीय संस्थेला राज्यात दुसरा क्रमांक मिळाला. जलसंपदा आणि वैद्यकीय शिक्षणमंत्री गिरीष महाजन, जलसंधारणमंत्री राम शिंदे, पाणीपुरवठा आणि स्वच्छतामंत्री बबनराव लोणीकर, तरुण भारत संघाचे अध्यक्ष आणि जलपुरुष डॉ. राजेंद्र सिंह, राज्याचे अपर मुख्य सचिव प्रवीण परदेशी, लोकमत मीडिया प्रा.लि.चे एडिटर-इन-चीफ राजेंद्र दर्डा आदी मान्यवरांच्या हस्ते राहुल जीवने यांचा गौरवचिन्ह देवून सत्कार करण्यात आला.