दारव्हात शिवसेनेनेतर्फे घर, अंगण तिथे चंदन अभियान

दारव्हा : शिवसेनेच्या वतीने तालुक्यात घर, अंगण तिथे चंदन अभियान राबविण्यात येत आहे. या अंतर्गत शुक्रवारी शिवसेना कार्यालयात नागरिकांना चंदन रोपांचे वाटप करण्यात आले.

कार्यक्रमाला जिल्हा परिषद अध्यक्ष कालिंदा यशवंत पवार, सदस्य विनोद खोडे, नगराध्यक्ष बबनराव इरवे, पंचायत समिती सभापती सुनीता राऊत, उपसभापती नामदेव जाधव, शिवसेना तालुकाप्रमुख मनोज सिंगी, शहर प्रमुख राजू दुधे, चेतन करोडदेव, घनश्याम नगराळे, युवासेना उपजिल्हा प्रमुख सुशांत इंगोले, महिला आघाडी शहर प्रमुख आशा डोंगरे, भारतीय विद्यार्थी सेना तालुका प्रमुख प्रवीण पवार उपस्थित होते.

पावसाळ्यात विविध ठिकाणी वृक्षारोपण करण्यात येते. परंतु चंदन वृक्षाच्या रोपांची लागवड होत नाही. ही बाब लक्षात घेता आमदार संजय राठोड यांच्या संकल्पनेतून १ ते २७ जुलैपर्यंत चंदन रोप वाटपाचा उपक्रम राबविण्यात येत असल्याचे यावेळी सांगण्यात आले. नागरिकांनी या रोपाची आपल्या अंगणात लागवड करून त्याचे संवर्धन व संरक्षण करावे, असे आवाहन शिवसेनेने केले. कार्यक्रमाला शिवसेनेचे पदाधिकारी, लोकप्रतिनिधी, कार्यकर्ते उपस्थित होते.

100721\img-20210710-wa0010.jpg

चंदन वृक्षाचे वाटप करताना जिल्हा परिषद अध्यक्षा कालिंद पवार व इतर पदाधिकारी