सराफाची नजर चुकवून सोन्याची बांगडी पळविली; व्हिडिओ झाला व्हायरल
By सुरेंद्र राऊत | Published: March 21, 2023 07:18 PM2023-03-21T19:18:36+5:302023-03-21T19:37:09+5:30
सौरभ दिनेश बोरा यांचे मेनलाइनमध्ये बोरा ज्वेलर्स नावाचे सराफा दुकान आहे. सोमवारी सायंकाळी ५ च्या सुमारास सुमारे ३० ते ३५ या वयोगटातील दोन अनोळखी महिला दुकानामध्ये आल्या
सराफाची नजर चुकवून सोन्याची बांगडी पळविली; व्हिडिओ झाला व्हायरल
Next सुरेंद्र राऊत/ यवतमाळ
यवतमाळ : तोंडाला स्कार्प गुंडाळून आलेल्या दोन अनोळखी महिलांनी सराफाची नजर चुकवून सुमारे एक लाख २० हजार रुपये किमतीची सोन्याची बांगडी लंपास केल्याची घटना सोमवारी सायंकाळी मेनलाइनमधील बोरा ज्वेलर्स येथे घडली. याप्रकरणी दोन महिलांविरुद्ध गुन्हा नोंदविण्यात आला आहे.
सौरभ दिनेश बोरा यांचे मेनलाइनमध्ये बोरा ज्वेलर्स नावाचे सराफा दुकान आहे. सोमवारी सायंकाळी ५ च्या सुमारास सुमारे ३० ते ३५ या वयोगटातील दोन अनोळखी महिला दुकानामध्ये आल्या. यातील एकीने चेहऱ्याभोवती हिरवा व पांढरा रंगाचा स्कार्प गुंडाळला होता, तर दुसऱ्या महिलेने हिरव्या रंगाची साडी परिधान केलेली होती. त्यांनी सोन्याच्या बांगड्या दाखविण्यास सांगितले. ट्रेमधून या बांगड्या दाखविल्या जात असताना सराफाची नजर चुकवून ट्रेमधील एक सोन्याची बांगडी या महिलांनी पळविली. याप्रकरणी रात्री ११ च्या सुमारास यवतमाळ शहर पोलिस ठाण्यात गुन्हा नोंदविण्यात आला आहे.