विचित्र अपघातात एक ठार

भरधाव ट्रकने आॅटोरिक्षाला समोरासमोर धडक दिली. नंतर अपघातग्रस्त आॅटोरीक्षा उलटून पाठीमागून येणाऱ्या दुचाकीवर आदळला. या विचित्र अपघातात आॅटोरीक्षा चालक जागीच ठार झाला. ही घटना बुधवारी सकाळी ९.३0 वाजताच्या सुमारास मुडणा येथे घडली.

ठळक मुद्देमुडाणाची घटना : पोलीस तासभर विलंबाने पोहोचल्याने रोष

लोकमत न्यूज नेटवर्क
मुडाणा : भरधाव ट्रकने आॅटोरिक्षाला समोरासमोर धडक दिली. नंतर अपघातग्रस्त आॅटोरीक्षा उलटून पाठीमागून येणाऱ्या दुचाकीवर आदळला. या विचित्र अपघातात आॅटोरीक्षा चालक जागीच ठार झाला. ही घटना बुधवारी सकाळी ९.३0 वाजताच्या सुमारास मुडणा येथे घडली.
प्रभाकर दत्तराव शेळके रा.वडद, असे जागीच ठार झालेल्या आरोटरीक्षा चालकाचे नाव आहे. महागाव-उमरखेड मार्गावरील मुडाणाजवळ हा विचित्र अपघात घडला. अपघातात दुचाकी चालक गंभीर जखमी झाला. मात्र त्याचे नाव कळू शकले नाही. तो एकांबा (ता.उमरखेड) येथील रहिवासी असल्याचे पोलिसांनी सांगितले. महागावकडून उमरखेडकडे निघालेल्या ट्रकने (क्र.एमएच २४-एबी ७२७९) विरुद्ध दिशेने येणाºया आॅटोरीक्षाला समोरासमोर धडक दिली. अपघातानंतर चकनाचूर झालेला आॅटोरीक्षा तीन पलट्या घेत पाठीमागून येणाºया दुचाकीवर (क्र.एमएच २६-एस ८२२६ ) आदळला.
या विचीत्र अपघातात आॅटोरीक्षा चालक प्रभाकर शेळके जागीच ठार झाला. दुचाकीस्वाराच्या डोक्याला गंभीर दुखापत झाली. नागरिकांच्या मदतीने त्याला रुग्णालयात दाखल करण्यात आले आहे. अपघातानंतर काही अंतरावर ट्रक उभा करून चालक फरार झाला. मात्र एक तास लोटूनही पोलीस घटनास्थळी पोहोचले नाही. त्यामुळे संताप व्यक्त केला जात होता. अखेर उशीरा दाखल झालेल्या पोलिसांनी नागरिकांच्या मदतीने आॅटो चालकाचा मृतदेह उत्तरीय तपासणीसाठी हलविला. अज्ञात ट्रक चालकाविरुद्ध गुन्हा दाखल करून महागाव पोलिसांनी तपास सुरू केला.