पुसद रोटरीचा पदग्रहण सोहळा

येथील रोटरी क्लबचा पदग्रहण सोहळा उत्साहात पार पडला. अध्यक्षस्थानी उपविभागीय पोलीस अधिकारी अजयकुमार बन्सल होते.

ठळक मुद्देगुणवंतांचा गौरव : दीपक आसेगावकर यांच्यातर्फे समाजकार्यास मदत

लोकमत न्यूज नेटवर्क
पुसद : येथील रोटरी क्लबचा पदग्रहण सोहळा उत्साहात पार पडला. अध्यक्षस्थानी उपविभागीय पोलीस अधिकारी अजयकुमार बन्सल होते.
प्रमुख पाहुणे म्हणून रोटरीचे असिस्टंट गव्हर्नर सुरेंद्र कोडगिरवार, रोटरीचे माजी अध्यक्ष डॉ.भानुप्रकाश कदम, माजी सचिव सुधाकर ठाकरे उपस्थित होते. यावेळी अध्यक्षपदाची डॉ.सतीश चिद्दरवार तर सचिवपदाची अ‍ॅड.विवेक टेहरे यांनी शपथ घेत पदग्रहण केले. बेस्ट रोटरियन अवॉर्ड मिळाल्याबद्दल राम पद्मावार, मॅक्झिमम अटेंडन्स अवॉर्ड डॉ.चंद्रशेखर खेडकर तर बेस्ट प्रोजेक्ट डायरेक्टर अवॉर्ड डॉ.उत्तम खांबाळकर यांना मिळाल्याबद्दल सन्मानित करण्यात आले. पदग्रहण सोहळ्यानंतर रोटरीचे नवनियुक्त सदस्य डॉ.आनंद कोमावार, डॉ.सुधीर चिलकर, डॉ.अंकुश जैन, कंत्राटदार योगेश पांडे यांनी पदग्रहण केले. उल्लेखनीय कामगिरी करणाºयांचा डॉ.भानुप्रकाश कदम व दीपक आसेगावकर यांच्या हस्ते सत्कार करण्यात आला. यावेळी आस्था विश्वास डांगे, अंश संजय अग्रवाल, इशा जयंत वाढवे, अमृता राजेश चव्हाण, डॉ.नकुल भानुप्रकाश कदम, रोहन उबाळे यांचा सत्कार करण्यात आला.
यावेळी कृषिभूषण दीपक आसेगावकर यांनी रोटरीला ३१ हजार रुपये समाजकार्यासाठी देण्याचे घोषित केले. संचालन डॉ.उमेश रेवणवार, अ‍ॅड.अशोक महामुने यांनी तर आभार अ‍ॅड.विवेक टेहरे यांनी मानले. यावेळी रोटरी क्लबचे सदस्य मोठ्या संख्येने उपस्थित होते.