संस्कार मोती स्पर्धेचे बक्षीस वितरण

लोकमत वृत्तपत्र समूहाच्यावतीने विद्यार्थ्यांसाठी घेण्यात आलेल्या लोकमत संस्काराच्या मोती

मातोश्री विद्यालय : महागाव येथे गुणवंतांचा गौरव
महागाव : लोकमत वृत्तपत्र समूहाच्यावतीने विद्यार्थ्यांसाठी घेण्यात आलेल्या लोकमत संस्काराच्या मोती उपक्रमांतर्गत येथील मातोश्री विद्यालयात बक्षीस वितरण आणि गुणवंतांचा गौरव सोहळा पार पडला.
अध्यक्षस्थानी देवराव नरवाडे होते. प्रमुख पाहुणे म्हणून महागाव नगरपंचायतीचे नगराध्यक्ष सुनील नरवाडे, नगरसेवक राजू राठोड, लोकमत शहर प्रतिनिधी संजय भगत, विठ्ठलराव गावंडे, शरद मामीडवार उपस्थित होते. स्वातंत्र्य दिनाचे औचित्य साधून लोकमत संस्काराचे मोती उपक्रमात प्रथम क्रमांक प्राप्त विद्यार्थी युवराज सोळंके याला नगराध्यक्षांच्या हस्ते सायकल प्रदान करण्यात आली. तसेच दहावीच्या परीक्षेत तालुक्यातून प्रथम संतोष चौधरी, साक्षी रवींद्र चाकीलवार, बारावीच्या परीक्षेतील मोहिनी बाबाराव तळणकर, रौनक संतोष जयस्वाल यांचा सत्कार करण्यात आला. तसेच एमटीएस परीक्षेत उत्तीर्ण आर्या उत्तरवार, माहेश्वरी कृष्णापुरे, अर्जुन बनसोडे, नवोदयमध्ये उत्तीर्ण हर्षल मनवर, चित्रकला स्पर्धेतील यश संतोष चौधरी याला विश्वनाथ नरवाडे यांच्या स्मृतीप्रीत्यर्थ आणि निशांत चक्करवार व मोहिनी तळणकर यांना सुदाम गायकवाड यांच्यातर्फे रोख रक्कम देऊन गौरविण्यात आले. कार्यक्रमाच्या सुरुवातीला प्राचार्य अनुताई गावंडे यांच्या हस्ते ध्वजारोहण करण्यात आले. संचालन ए.के. शिंदे यांनी तर आभार आर.पी. भांगे यांनी मानले. (शहर प्रतिनिधी)