स्विफ्ट कारला ट्रॅव्हल्सची धडक

भरधाव ट्रॅव्हल्सने समोरुन येणाºया स्विफ्ट कारला जबर धडक दिल्याने झालेल्या अपघातात दोन जण गंभीर जखमी झाले. या अपघातानंतर संतप्त जमावाने ट्रॅव्हल्सची तोडफोड केली.

ठळक मुद्देकळंबची घटना : दोन गंभीर, जमावाकडून ट्रॅव्हल्सची तोडफोड

कळंब : भरधाव ट्रॅव्हल्सने समोरुन येणाºया स्विफ्ट कारला जबर धडक दिल्याने झालेल्या अपघातात दोन जण गंभीर जखमी झाले. या अपघातानंतर संतप्त जमावाने ट्रॅव्हल्सची तोडफोड केली. हा प्रकार रविवारी सकाळी ७.३० वाजताच्या सुमारास येथील तहसील चौफुलीजवळ घडला.
यवतमाळवरून ट्रॅव्हल्स (क्र.एम.एच.४०-वाय-९१६१) नागपूरकडे जात होती. दरम्यान कळंब येथील तहसील चौफुलीजवळ समोरुन येणाºया स्विफ्ट कारला (क्र.एम.एच.१४-ईवाय-२०३६) जबर धडक दिली. यात कार चालक तनवीर अहेमद कादीर अहेमद (३०) व शेख कदीर शेख उमर (५५) रा. कळंंब गंभीर जखमी झाले. अपघाताची माहिती होताच या ठिकाणी नागरिकांची गर्दी झाली. दरम्यान संतप्त जमावाने ट्रॅव्हल्सवर दगडफेक करून काचा फोडल्या. तत्काळ पोलीस घटनास्थळी आल्याने मोठा अनर्थ टळला. दोन्ही जखमींना नागपूर येथील खासगी रुग्णालयात दाखल करण्यात आले. अधिक तपास पीएसआय चंद्रशेखर ठाकरे करीत आहे.