प्रवासी टेम्पोची विद्यार्थिनीला धडक; जमावाने वाहन पेटवले

Yawatmal News पांढरकवडा मार्गावर जोहरा शेख रा. जफरनगर यवतमाळ या विद्यार्थिनीला दुचाकीने जात असताना प्रवासी टेम्पोने शुक्रवारी सायंकाळी सहा वाजता धडक दिली. यात विद्यार्थिनी गंभीर जखमी झाली. त्यामुळे संतप्त जमावाने टेम्पो पेटवून दिला.

ठळक मुद्देवाहतूक पोलिसांवर रोषरास्ता रोको करत व्यक्त केला संताप

यवतमाळ :  पांढरकवडा मार्गावर जोहरा शेख रा. जफरनगर यवतमाळ या विद्यार्थिनीला दुचाकीने जात असताना प्रवासी टेम्पोने शुक्रवारी सायंकाळी सहा वाजता धडक दिली. यात ती गंभीर जखमी झाली. अपघात झाल्यानंतर चालक घटनास्थळावरून पसार झाला. त्यामुळे संतप्त जमावाने टेम्पो पेटवून दिला.

 या परिसरात रस्त्याच्या दुतर्फा ट्रक उभे राहत असल्याने वाहतुकीस अडथळा निर्माण होतो. यातूनच शुक्रवारचा अपघात घडला, वाहतूक पोलीस रस्त्यावर उभ्या असणाऱ्या ट्रकवर कारवाई करत नसल्याचा संताप स्थानिक नागरिकांनी व्यक्त केला. काही काळ रास्ता रोको करत नागरिकांनी परिसरातील वाहतूक सुरळीत करण्याची मागणी केली. रस्त्यावरच्या ट्रकची समस्या कायमस्वरूपी निकाली काढावी अशी मागणी नागरिकांनी केली. शहर पोलीस ठाण्यात उशिरापर्यंत या प्रकरणात गुन्हा नोंद करण्याची प्रक्रिया सुरू होती.