ट्रॅव्हल्स उलटून पाच प्रवासी गंभीर

समोरुन येणाऱ्या ट्रकने कट मारल्याने भरधाव ट्रॅव्हल्स रस्त्याच्या कडेला जाऊन उलटल्याने झालेल्या अपघातात पाच

आर्णी : समोरुन येणाऱ्या ट्रकने कट मारल्याने भरधाव ट्रॅव्हल्स रस्त्याच्या कडेला जाऊन उलटल्याने झालेल्या अपघातात पाच जण गंभीर जखमी झाले. हा अपघात तालुक्यातील लोणबेहळ जवळ सोमवारी सकाळी ९.३० वाजताच्या सुमारास घडला.
उमरखेडवरुन ट्रॅव्हल्स (एम.एच-१४-सी.डब्ल्यू-५८५९) ही यवतमाळकडे प्रवासी घेऊन येत होती. लोणबेहळ जवळ समोरुन येणाऱ्या ट्रक क्र.एम.एच.२९-एम-८२० च्या चालकाने ट्रॅव्हल्सला कट मारला. त्यामुळे ट्रॅव्हल्स चालकाचे नियंत्रण गेले आणि ट्रॅव्हल्स रस्त्याच्या कडेला जाऊन उलटली. या अपघातात संकेत चंद्रकांत कानगुले (१५) रा. साकूर, श्रीकांत साहेबराव बेलखेडे (२६) रा. हिवरा, अलीम शेख अलीम (४३) रा. यवतमाळ, हरिदास विश्वनाथ हिमुलकर (३९) रा. मुळावा, आकाश विलास जगताप (१९) रा. भोसा यांचा समावेश आहे. अपघात झाल्यानंतर जखमींना रुग्णालयात नेण्यासाठी लोणबेहळ येथील नीलेश आचमवार, राजू जयस्वाल, नितीन भारती, रामकृष्ण लांडे यांनी मदत केली. लोणबेहळच्या प्राथमिक आरोग्य केंद्रात जखमींना नेले असता तेथे दोन पैकी एकही डॉक्टर उपस्थित नव्हता. यामुळे संताप व्यक्त करण्यात आला. (शहर प्रतिनिधी)