CoronaVirus : यवतमाळ जिल्ह्यात गेल्या 24 तासांत 429 जण कोरोना पॉझिटिव्ह, पाच जणांचा मृत्यू
By ऑनलाइन लोकमत | Published: March 10, 2021 06:26 PM2021-03-10T18:26:35+5:302021-03-10T18:27:28+5:30
जिल्हा परिषदेच्या आरोग्य विभागाने दिलेल्या माहितीनुसार, मृतांमध्ये यवतमाळ येथील 28, 71 आणि 78 वर्षीय पुरुष, तसेच पुसद येथील 43 आणि 57 वर्षीय पुरुषांचा समावेश आहे. चक पॉझिटिव्ह आलेल्या 429 जणांमध्ये 246 पुरुष आणि 183 महिलांचा समावेश आहे.
CoronaVirus : यवतमाळ जिल्ह्यात गेल्या 24 तासांत 429 जण कोरोना पॉझिटिव्ह, पाच जणांचा मृत्यू
यवतमाळ: गेल्या 24 तासांत जिल्ह्यात 429 नवे कोरोना बाधित आढळून आले असून पाच जणांचा मृत्यू झाला आहे. तसेच, वसंतराव नाईक शासकीय वैद्यकीय महाविद्यालयाचा आयसोलेशन वॉर्ड, विविध कोवीड केअर सेंटर्स आणि कोवीड हेल्थ सेंटरमध्ये भरती असलेल्या 282 जणांनी कोरोनावर मात केल्यामुळे त्यांना रुग्णालयातून सुट्टी देण्यात आली आहे.
जिल्हा परिषदेच्या आरोग्य विभागाने दिलेल्या माहितीनुसार, मृतांमध्ये यवतमाळ येथील 28, 71 आणि 78 वर्षीय पुरुष, तसेच पुसद येथील 43 आणि 57 वर्षीय पुरुषांचा समावेश आहे. चक पॉझिटिव्ह आलेल्या 429 जणांमध्ये 246 पुरुष आणि 183 महिलांचा समावेश आहे. यात यवतमाळातील 133, दिग्रस 110, बाभूळगाव 71, पांढरकवडा 28, पुसद 24, दारव्हा 20, महागाव 15, अर्णी 8, नेर 8, कळंब 5, घाटंजी 2, वणी 2, उमरखेड 1 आणि 2 इतर शहरातील रुग्ण आहेत.
बुधवारी एकूण 1865 रिपोर्ट मिळाले. यांपैकी 429 जण नव्याने पॉझिटिव्ह आले. तर 1436 जणांचे रिपोर्ट निगेटिव्ह आले आहेत. सद्यस्थितीत जिल्ह्यात 2072 ॲक्टीव्ह रुग्ण आहेत. आतापर्यंत एकूण पॉझिटिव्ह रुग्णांची संख्या 20172 झाली आहे. आतापर्यंत जिल्ह्यातील ठणठणीत झालेल्या एकूण रुग्णांचा आकडा 17611 वर पोहोचला आहे. तर जिल्ह्यात एकूण 489 मृत्यूंची नोंद झाली आहे.
सुरवातीपासून आतापर्यंत 176891 नमुने तपासणीसाठी पाठविण्यात आले होते. यांपैकी 175792 नमुन्यांचा रिपोर्ट मिळाला आहे. तर 1699 नमुन्यांचे रिपोर्ट अद्याप येणे बाकी आहे. तसेच 155020 नागरिकांचे नमुने आतापर्यंत निगेटिव्ह आल्याचे जि.प. आरोग्य विभागाने सांगितले आहे.
