उपमुख्यमंत्री अजित पवार शिर्डीत साईबाबांचरणी, गृहमंत्र्यांनीही घेतले दर्शन

जिल्ह्यातील कोपरगाव येथे सहकार महर्षी स्व. शंकरराव काळे यांच्या पुतळ्याचे अनावरण अजित पवार यांच्या हस्ते होणार आहे

शिर्डी : राज्याचे उपमुख्यमंत्री तथा वित्त मंत्री अजित पवार यांनी आज शिर्डी येथे साईबाबांच्या समाधीचे दर्शन घेतले. तत्पूर्वी, उपमुख्यमंत्री तथा वित्तमंत्री अजित पवार यांचे  शिर्डी विमानतळावर आगमन झाले. त्यांच्या समवेत गृहमंत्री दिलीप वळसे पाटील, पालकमंत्री हसन मुश्रीफ यांचेसुद्धा आगमन झाले. यावेळी उपस्थितांनी त्यांचे स्वागत केले.

जिल्ह्यातील कोपरगाव येथे सहकार महर्षी स्व. शंकरराव काळे यांच्या पुतळ्याचे अनावरण अजित पवार यांच्या हस्ते होणार आहे. या पुतळा अनावरण सोहळ्यापूर्वी उपमुख्यमंत्र्यांनी शिर्डीच्या साईचरणी नतमस्तक होऊन दर्शन घेतले. यावेळी गृहमंत्री दिलीप वळसे-पाटील, पालकमंत्री तथा ग्रामविकास मंत्री हसन मुश्रीफ, श्री.साईबाबा संस्थानचे अध्यक्ष आमदार आशुतोष काळे,खासदार सदाशिवराव लोखंडे, आमदार डॉ. किरण लहामटे, संस्थानचे पदाधिकारी, विभागीय आयुक्त राधाकृष्ण गमे, विशेष पोलीस महानिरीक्षक बी.जी.शेखर पाटील, जिल्हाधिकारी डॉ. राजेंद्र भोसले, जिल्हा पोलीस अधीक्षक मनोज पाटील तसेच शिर्डी संस्थानच्या मुख्य कार्यकारी अधिकारी श्रीमती भाग्यश्री बानाईत उपस्थित होत्या.