तळेगाव दिघे : संगमनेर तालुक्यातील चिंचोलीगुरव ग्रामपंचायतच्या उपसरपंचपदी सिंधुबाई यमाजी गोडगे यांची बिनविरोध निवड करण्यात आली.
उपसरपंच बाबासाहेब सोनवणे यांनी राजीनामा दिल्याने उपसरपंचपद रिक्त झाले होते. उपसरपंचपदासाठी ग्रामपंचायत कार्यालयात निवडणूक पार पडली. उपसरपंचपदासाठी सिंधुबाई यमाजी गोडगे यांनी उमेदवारी अर्ज दाखल केला. विरोधात कुणीही अर्ज न भरल्याने त्यांची उपसरपंचपदी बिनविरोध निवड झाली. याप्रसंगी सरपंच प्रमिला रमेश बर्डे, ग्रामपंचायत सदस्य बाबासाहेब रावसाहेब सोनवणे, राधा किसन गोसावी, पल्लवी सचिन आभाळे, सरला खंडेराव सोनवणे, भास्कर रामचंद्र बर्डे उपस्थित होते. विरोधी गटाचे चारही सदस्य यावेळी गैरहजर राहिले.
उपसरपंच निवड बिनविरोध होण्याकामी पंचायत समितीचे माजी सभापती अविनाश सोनवणे, राजहंस ट्रान्सपोर्टचे अध्यक्ष हौशीराम सोनवणे, योगेश सोनवणे, अशोकराव गोडगे, सुभाष गोडगे, यमाजी गोडगे, सावळेराम गोडगे, भाऊसाहेब सोनवणे, विलास सोनवणे, अनिल गोडगे, प्रकाश सोनवणे, पुंजाहरी सोनवणे, दत्तात्रय सोनवणे, संजय सोनवणे, देवराम गोडगे, बबन गोडगे, गोरख सोनवणे, बाळासाहेब शेटे, नवनाथ सोनवणे, परसराम सोनवणे, संजय सांगळे यांनी परिश्रम घेतले.