या आरोपीकडून सोन्याच्या दागिन्यांसह एक मोटारसायकल असा एकूण १ लाख ८३ हजार रुपयांचा मुद्देमाल जप्त करण्यात आला आहे. भोसले याने २१ जानेवारी रोजी कर्जत तालुक्यातील मिरजगाव येथे घरफोडी करून चोरी केली होती. या गुन्ह्याचा समांतर तपास करत असताना, स्थानिक गुन्हे शाखेच्या पथकाने आरोपीस अटक केली.
जिल्हा पोलीस अधीक्षक मनोज पाटील, अपर पोलीस अधीक्षक सौरभकुमार अग्रवाल, पोलीस उपअधीक्षक अण्णासाहेब जाधव, स्थानिक गुन्हे शाखेचे निरीक्षक अनिल कटके यांच्या मार्गदर्शनाखाली सहायक निरीक्षक गणेश इंगळे, हेड कॉन्स्टेबल दत्तात्रय हिंगडे, बबन मखरे, संदीप घोडके, सुनील चव्हाण, संदीप पवार, जालिंदर माने, मेघराज कोल्हे, उमाकांत गावढे यांच्या पथकाने ही कारवाई केली. भोसले याच्याविरोधात नगर व बीड जिल्ह्यातील विविध पोलीस ठाण्यांत गुन्हे दाखल आहेत.