कौडगाव-त्रिभुवनवाडी-निंबोंडी या ग्रुप ग्रामपंचायतीची निवडणूक नुकतीच झाली. ९ सदस्य संख्या असलेल्या ग्रामपंचायतीचे सरपंच पद महिलांसाठी राखीव होते. ज्येष्ठ नेते अरूण आठरे व लक्ष्मण कारखेले यांच्या नेतृत्वाखाली मंगळवारी सरपंच पदासाठी मंगल राजेंद्र म्हस्के यांची तर उपसरपंचपदी अंबादास मोहन कारखेले यांची एकमताने निवड करण्यात आली. निवडीच्यावेळी सर्व सदस्य हजर होते. निवडणूक निर्णय अधिकारी म्हणून पाथर्डीचे मंडल कृषी अधिकारी शेकटकर यांनी काम पाहिले. यावेळी ग्रामसेवक देशमुख, तलाठी साळुंखे यासह मोठ्या संख्येने ग्रामस्थ हजर होते. सरपंच -उपसरपंच निवडीची घोषणा होताच समर्थकांनी जल्लोष केला.
...
कौडगाव-त्रिभुवनवाडी-निंबोडी या गावाचा खुंटलेला विकास तसेच पिण्याच्या पाण्याच्या प्रश्नाला आपण प्राधान्य देणार आहे.
-मंगल म्हस्के, सरपंच, कौडगाव ग्रुप ग्रामपंचायत.
..
०९ कौडगाव ग्रामपंचायत
..
ओळी-कौडगाव ग्रुप ग्रामपंचायतीच्या सरपंचपदी मंगल म्हस्के तर उपसरपंच पदी अंबादास कारखेले यांची एकमताने निवड करण्यात आली. निवडीनंतर जल्लोष करताना पदाधिकारी.